கொரோனா சிகிச்சையில் அதிமுக எம்எல்ஏ..! ஸ்டாலின் ரியாக்சன்...

தமிழகத்தில் பெரும் தாக்கத்தை ஏற்படுத்தி வரும் கொரோனவால் மக்கள் நாளுக்குநாள் பீதி அடைந்து வருகின்றனர். அதே சமயம் வெளியில் செல்ல முடியாமல், தங்களுடைய சாதாரண வருமானதைக்கூட ஈட்ட முடியாமல் பெரும் நெருக்கடிக்குள் ஆளாகியுள்ளனர்.

இந்த இரண்டு விதமான சூழ்நிலையில் அரசு பல்வேறு நடவடிக்கைளை எடுத்து வருகிறது. இந்நிலையில், கொரோனா பணியில் உள்ள மருத்துவர்கள், செவிலியர்கள், காவலர்கள் உட்பட அனைவரும் கொரோனா தொற்றுக்கு ஆளாகி வருகின்றனர்.

அதன் தொடர்ச்சியாக இன்று, ஸ்ரீபெரும்பதூர் அதிமுக எம்எல்ஏ கே. பழனி கொரோனா தொற்றினால் பாதிக்கப்பட்டு தனியார் மருத்துவமனையில் சிகிச்சை பெற்று வருகிறார். இந்த செய்தி அதிமுக இடையே அதிர்வலைகளை ஏற்படுத்தியுள்ளது.

அதிமுக எம்.எல்.ஏ. பழனிக்கு கொரோனா... மருத்துவமனையில் சிகிச்சை

இந்நிலையில், திமுக தலைவர் ஸ்டாலின் இதுகுறித்து டிவிட்டியுள்ளார். அதில், தொற்று காரணமாக சென்னையிலுள்ள தனியார் மருத்துவமனையில் அனுமதிக்கப்பட்டுள்ள திருபெரும்புதூர் அதிமுக எம்எல்ஏ கே.பழனி அவர்கள் முழுமையாக நலமடைந்து மக்கள் பணியாற்ற வர வேண்டும் என்று மனதார விரும்புகிறேன். பொதுப்பணியில் இருப்பவர்கள் மிகுந்த எச்சரிக்கையுடன் செயல்பட வேண்டும் என இவ்வாறு பதிவிட்டுள்ளார்.