ஜிஎஸ்டி இணையதளத்தில் வணிகர் பதிவு செய்ய வேண்டும்: தமிழக அரசு

சென்னை : சரக்கு மற்றும் சேவை வரி மசோதா அமல்படுத்த பட இருப்பதை மின்னிட்டு பதிவு பெற்ற வணிகர்கள் ஜி.எஸ்.டி. இணைய தளத்தில் தங்களது விவரங்களை பதிவு செய்ய வேண்டும் என்று தமிழக அரசு வலியுறுத்தியுள்ளது.

இதுகுறித்து தமிழக அரசு வெளியிட்டுள்ள செய்தி குறிப்பில், " சரக்கு மற்றும் சேவை வரி அமுல்படுத்தப்படுவதை முன்னிட்டு அனைத்து பதிவு பெற்ற வணிகர்களும் ஜி.எஸ்.டி. இணையதளத்தில் இணையும் வசதி, நாடு முழுவதும் விரைவில் முடிவடைய உள்ளது.

தமிழ்நாடு வணிகவரித்துறையில் பதிவு பெற்ற வணிகர்கள் அனைவரும் ஜி.எஸ்.டி. இணைய தளத்தில் தங்களது Digital Signature Certificate (DSC) (நிறுவனங்கள் என்றால்) அல்லது ஆதார் எண் உதவியுடன் மின் கையொப்பமிட்டு (e-Signature) (உரிமையாளர் / பங்குதாரர் என்றால்) தங்களது விவரங்களை பதிவு செய்ய வேண்டும். ஏற்கெனவே ஜி.எஸ்.டி. இணைய தளத்தில் விவரங்கள் பதிவு செய்த பெரும்பாலான வணிகர்கள் மேற்கூறப்பட்ட Digital Signature Certificate (DSC) / மின்கையொப்பத்துடன் பதிவு செய்யவில்லை.

எனவே அனைத்து வணிகர்களும் உடனடியாக ஜி.எஸ்.டி. இணையதளத்தில் தங்களது விவரங்களை Digital Signature Certificate (DSC)/ மின்கையொப்பத்துடன் பதிவு செய்து கொள்ளுமாறு கேட்டுக்கொள்ளப்படுகிறார்கள்." என்று அதில் குறிப்பிடப்பட்டுள்ளது.
The dealers of Tamil Nadu Commercial Taxes Department have to register in GST Portal