ஆப்நகரம்

அதிமுக கூட்டணி: உருவானது அடுத்த சலசலப்பு!

அதிமுக கூட்டணிக்குள் இம்முறை தமாக, சமக ஆகிய கட்சிகளை மையமாகக் கொண்டு ஒரு சலசலப்பு உருவாகியுள்ளது.

Samayam Tamil 24 Nov 2020, 8:38 am
மக்களவைத் தேர்தலுக்கு அமைக்கப்பட்ட அதிமுக கூட்டணி சட்டமன்றத் தேர்தலிலும் தொடருமா எனும் கேள்வி எழும் அளவுக்கு பாஜக, தேமுதிக, பாமக ஆகிய கட்சிகளின் செயல்பாடுகளும், பேச்சுகளும் இருந்தன. எவ்வளவு முரண்டு பிடித்தாலும் தேர்தல் நெருங்கும் சமயத்தில் கூட்டணி குழப்பங்கள் தீரும் என அதிமுக அமைதியாக இருந்த நிலையில் அமித் ஷாவின் வருகை காரணமாக அதிமுக - பாஜக கூட்டணி உறுதியானது.
Samayam Tamil there is a buzz within the aiadmk alliance centering on sarath kumar and gk vasan
அதிமுக கூட்டணி: உருவானது அடுத்த சலசலப்பு!


ஆரம்பமான அடுத்த குழப்பம்!

தேமுதிக, பாமக ஆகிய கட்சிகளுடனும் பேச்சுவார்த்தை நடைபெற்றுவருவதாகவும், சுமுகமான சூழல் நிலவுவதாகவும் தகவல்கள் வெளியாகிவருகின்றன. ஆனால் அக்கூட்டணியில் இடம்பெற்ற தமிழ் மாநில காங்கிரஸ், கடந்த இரு சட்டமன்ற தேர்தல்களில் அதிமுகவின் இரட்டை இலை சின்னத்தில் போட்டியிட்ட சரத்குமாரின் சமத்துவ மக்கள் கட்சி ஆகியவற்றின் நிலை என்ன என்று கேள்வி எழுந்துள்ளது. ஏனெனில் சமீபத்திய சில நிகழ்வுகள் கூட்டணிக்குள் நிலவும் மற்றொரு குழப்பத்தை உறுதிபடுத்தியுள்ளன.

வாசனை இணைக்க இதுதான் காரணம்!

தமிழ்மாநில காங்கிரஸ் கட்சிக்கு சொல்லிக் கொள்கிற அளவுக்கு வாக்கு வங்கி இல்லை என்றாலும் காங்கிரஸ் கட்சி ஆட்சியிலிருக்கும் போது மத்திய அமைச்சராக இருந்த ஜி.கே.வாசனுக்கு டெல்லியில் காங்கிரஸ், பாஜக என முக்கிய கட்சிகளின் நிர்வாகிகளோடு நல்ல அறிமுகம் உள்ளது. அது தங்களுக்கு பயன்படும் என அதிமுக, பாஜக கணக்கு போட்டிருக்க கூடும். கடந்தமுறை பிரதமர் மோடி சென்னை வந்த போது கூட்டணியில் இடம்பெற்ற ஜி.கே.வாசன் விமான நிலையத்துக்கு சென்று வரவேற்றார். அப்போது வாசனிடம் நலம் விசாரித்த மோடி தனது இல்லத்துக்கு வருமாறு அழைத்தார். இதுவே வாசனின் முக்கியத்துவத்துக்கான காரணமாக பார்க்கப்படுகிறது.

பாய்காட் அமித் ஷாவா?

அதிமுக கூட்டணியில் இடம்பெற்ற அனைத்துக் கட்சிகளுக்கும் அமித் ஷா கலந்துகொண்ட அரசு நிகழ்வுக்கு அழைப்புவிடுக்கப்பட்டது. பாமக, தேமுதிக ஆகிய கட்சி நிர்வாகிகள் அதில் கலந்துகொண்ட நிலையில் தமாகா அதை முற்றிலும் புறக்கணித்துள்ளது. எனவே தமாகா தனி ரூட்டில் செல்ல பிளான் போடுகிறதா என்ற பேச்சு அரசியல் வட்டாரங்களில் நிலவுகிறது.

திருப்பதியில் இப்படியொரு திடீர் மாற்றம்; பக்தர்கள் உஷாரா தெரிஞ்சுக்கோங்க!

திடீர் கலைஞர் பாசம் ஏன்?

திமுகவில் தீவிரமாக இயங்கிய சரத்குமார் தனிக்கட்சி தொடங்கியபின் அதிமுகவுடனே நெருக்கம் பாராட்டிவருகிறார். இந்நிலையில் நேற்று இரவு அவர் வெளியிட்ட ஃபேஸ்புக் பதிவில் கலைஞர் கருணாநிதியுடனான தனது நெருக்கத்தை நினைவுகூர்ந்துள்ளார். கலைஞரோடு எடுத்துக்கொண்ட புகைப்படங்களை பதிவேற்றி, “அன்பு மகன் ராகுல் பிறந்தபோது இல்லத்திற்கு நேரில் வந்து கலைஞர் வாழ்த்திய நாளையும் , எனக்கு அரசியல் பாடம் கற்றுத்தந்த கலைஞர் அவர்களை இறுதியாக நேரில் சந்தித்த அந்த பசுமையான நினைவுகளை நெகிழ்வுடன் பதிவிடும்போது கண்கள் குளமாகின்றன” என்று பதிவிட்டுள்ளார்.

பாதை மாறி பயணமா?

அதிமுக 117 - பாஜக 117: அமித் ஷா வைக்கும் டிமாண்ட்!

சரத்குமாரை இந்த முறை தென்காசி, திருச்செந்தூர் என தென் மாவட்டங்களில் களமிறக்காமல் கொங்கு மண்டலத்தில் அதிமுக சார்பில் போட்டியிடவைக்க உள்ளதாக செய்திகள் வெளியான நிலையில் இந்த பதிவை அவர் வெளியிட்டுள்ளார். ஜி.கே.வாசனின் அமித் ஷா நிகழ்வு புறக்கணிப்பு, சரத் குமாரின் திடீர் கலைஞர் பாசம் ஆகியவை அதிமுக கூட்டணியில் மீண்டும் சலசலப்பை ஏற்படுத்தியுள்ளது. பாதை மாறி பயணம் போவதற்கான தொடக்கப் புள்ளியா அல்லது கூட்டணி தலைமையின் கவனத்தை தங்கள் பக்கம் திருப்புவதற்கான அரசியல் ஸ்டண்ட்டா எனவும் பேச்சுகள் எழுந்துள்ளன. இக்கட்சிகளின் அடுத்தகட்ட நடவடிக்கையில் அதுபற்றிய தெளிவான சித்திரம் கிடைத்துவிடும்.

அடுத்த செய்தி