தமிழகத்தில் இன்று கனமழைக்கு வாய்ப்பு: வானிலை மையம் தகவல்!

தமிழகம் மற்றும் புதுச்சேரியில் ஒரு சில இடங்களில் இன்று மழையோ அல்லது இடி, மின்னலுடன் கூடிய மழையோ பெய்ய வாய்ப்புள்ளதாக சென்னை வானிலை ஆய்வு மையம் அறிவித்துள்ளது.

வெப்பச்சலனம் காரணமாக தமிழகம் முழுவதும் பெரும்பாலான இடங்களில் மழை பெய்து வருகிறது. சென்னையிலும் நேற்று அனேக இடங்களில் மழை பெய்தது.

இந்நிலையில் தமிழகம் மற்றும் புதுச்சேரியில் இன்று மற்றும் நாளை ஒருசில இடங்களில் இடியுடன் கூடிய மழை பெய்ய வாய்ப்புள்ளதாகவும், ஓரிரு இடங்களில் இடிமின்னலுடன் கூடிய கனமழை பெய்ய வாய்ப்பு உள்ளதாகவும் சென்னை வானிலை ஆய்வு மையம் தெரிவித்துள்ளது.

சென்னையை பொறுத்தவரை வானம் மேகமூட்டத்துடன் காணப்படும் என்றும், மாலை அல்லது இரவில் ஒரு சில இடங்களில் மழை பெய்யக்கூடும் என்றும் வானிலை ஆய்வு மையம் தெரிவித்து உள்ளது.