வைரவிழாவில் அரசியல் உள்நோக்கம் இல்லை: கனிமொழி விளக்கம்

சென்னை: திமுக தலைவர் கருணாநிதியின் வைரவிழாவில் எந்த அரசியல் உள்நோக்கமும் இல்லை என அக்கட்சியின் நாடாளுமன்ற உறுப்பினர் கனிமொழி விளக்கமளித்துள்ளார்.

நாட்டின் மூத்த அரசியல்வாதியான திமுக தலைவர் கருணாநிதி, சட்டப்பேரவைக்குள் காலடி எடுத்துவைத்து இந்த ஆண்டு ஏப்ரல் மாதத்துடன் அறுபது ஆண்டுகள் நிறைவடைந்துள்ளது. இந்த வைர விழாவை மிகப் பிரம்மாண்டமாக நடத்த திமுக திட்டமிட்டுள்ளது.

அதன்படி, திமுக தலைவர் கருணாநிதியின் இந்த வைர விழா கொண்டாட்டம் அவரது பிறந்தநாளான ஜூன் 3-ம் தேதி நடைபெறவுள்ளது. இதற்காக, பல மாநில முதல்வர்கள் உள்ளிட்ட நாட்டின் மூத்த அரசியல் கட்சித் தலைவர்கள் என பல்வேறு தரப்பினருக்கும் திமுக சார்பில் அழைப்பு விடுக்கப்பட்டுள்ளது. அதேசமயம், இந்த விழாவில் மருத்துவர்கள் அனுமதியளித்தால் கருணாநிதி கலந்து கொள்வார் என தெரிவிக்கப்பட்டுள்ளது.

ஆனால், கருணாநிதி இல்லாமல் நடக்கும் வைர விழா உள்நோக்கம் கொண்டது என பாஜக உள்ளிட்ட கட்சிகள் விமர்சனம் செய்து வருகின்றன.

இந்நிலையில், திமுக தலைவர் கருணாநிதியின் வைரவிழாவில் எந்த அரசியல் உள்நோக்கமும் இல்லை என அக்கட்சியின் நாடாளுமன்ற உறுப்பினர் கனிமொழி விளக்கமளித்துள்ளார்.
There is no political motivation in Karunanidhi's diamond jubilee: Kanimozhi explains