ஆப்நகரம்

ஆர். கே.நகர் இடைத்தேர்தல்: வாக்காளர்கள் கொண்டு செல்ல வேண்டிய ஆவணம் எவை?

ஆர். கே.நகர் இடைத்தேர்தலில் பொதுமக்கள் தங்களின் வாக்காளர் அடையாள அட்டை அல்லது 13 ஆவணங்களில் ஏதேனும் ஒன்றைக் காண்பித்து வாக்களிக்க முடியும் என்று தேர்தல் ஆணையம் தெரிவித்துள்ளது.

TNN 21 Dec 2017, 9:44 am
ஆர். கே.நகர் இடைத்தேர்தலில் பொதுமக்கள் தங்களின் வாக்காளர் அடையாள அட்டை அல்லது 13 ஆவணங்களில் ஏதேனும் ஒன்றைக் காண்பித்து வாக்களிக்க முடியும் என்று தேர்தல் ஆணையம் தெரிவித்துள்ளது.
Samayam Tamil these identity are important for rk nagar election voting
ஆர். கே.நகர் இடைத்தேர்தல்: வாக்காளர்கள் கொண்டு செல்ல வேண்டிய ஆவணம் எவை?


ஒருவேளை உங்களிடம் வாக்காளர் அட்டை இல்லை என்றால் நீங்கள் பாஸ்போர்ட், ஓட்டுநர் உரிமம் போன்றவ‌ற்றில் ஒன்றைக் காட்டி வாக்களிக்கலாம் என தேர்தல் ஆணையம் அறிவித்துள்ளது.

அரசாங்க உத்யோகத்தில் இருப்பவர்கள் புகைப்படத்துடன் கூடிய பணி அடையாள அட்டைகளை வாக்களிக்க ஆவணமாகப் பயன்படுத்தலாம் . வங்கி மற்றும் அஞ்சலகம் வழங்கிய கணக்குப் புத்த‌ங்களையும்‌ வாக்களிக்க பயன்படுத்தலாம்.

பான் கார்டு, ஸ்மாட் கார்டு, மகாத்மா காந்தி தேசிய ஊரக வேலை உறுதியளிப்புத் திட்டத்தின் பணி அட்டை உள்ளிட்டவற்றையும் பயன்படுத்தி‌ வாக்களிக்கலாம். அதேபோல், தொழிலாளர் நல அமைச்சக திட்டத்தின் கீழ் வழங்கப்பட்ட மருத்துவ காப்பீட்டு ஸ்மார்ட் கார்டு, புகைப்படத்துடன் கூடிய ஓய்வூதிய ‌ஆவணம், தேர்தல் நிர்வாகத்தால் வழங்கப்பட்ட அனுமதியளிக்கப்பட்ட வாக்காளர் புகைப்படச்சீட்டு உள்ளிட்டவைகளைக் கொண்டும் வாக்களிக்கலாம்.

மேலும் தேர்தல் ஆணையத்தால் குறிப்பிடப்பட்டுள்ள ஆதாரங்கள் இருந்தாலும்கூட வாக்காளர் பட்டியலில் பெயர் இடம்பெற்றிருந்தால் மட்டுமே வாக்களிக்க முடியும் என்று தேர்தல் ஆணையம் கூறியுள்ளது.

அடுத்த செய்தி