புர்கா அணிந்து செயின் பறிக்க முயன்ற 3 பெண்களை பிடித்து போலீசில் ஒப்படைத்த பயணிகள்!

சென்னையை அடுத்த பம்மலில் ஓடும் பேருந்தில் புர்கா அணிந்து கொண்டு செயின் பறிக்க முயன்ற 3 பெண்களை பயணிகள் பிடித்து போலீசில் ஒப்படைத்தனர்.

சென்னையை அடுத்த குரோம்பேட்டை நெமிலிச்சேரி பகுதியை சேரந்தவர் சசிகலா (37) நேற்றுஇரவு தாம்பரத்தில் இருந்து பூந்தமல்லி செல்லும் மாநகர பேருந்தில் ஸ்ரீபெரும்புதூர் செல்வதற்காக சென்று கொண்டிருந்தார். பேருந்தில் கூட்டம் அதிகமாக இருந்தது. அப்போது முஸ்லிம் பெண்கள் போல புர்கா அணிந்து கொண்டு 3 பெண்கள் சசிகலாவை சுற்றி வளைத்தபடி நின்று கொண்டு பயணம் செய்தனர். அப்போது நைசாக சசிகலா கழுத்தில் இருந்த செயினை அறுக்க முயன்றனர். இதை கவனித்த சசிகலா குரல் கொடுத்து கத்தினார். அப்போது சக பயணிகள் சூழ்ந்து கொண்டு 3 பெண்களையும் கையும் களவுமாக பிடித்தனர்.

உடனே பேருந்தை பம்மல் போலீஸ் பூத்தில் நிறுத்தி 3 பெண்களையும் போலீசாரிடம் ஒப்படைத்தனர். உடனே 3 பேரையும் பெண் சப் இன்ஸ்பெக்டர் தலைமையில் சங்கர் நகர் போலீஸ் நிலையத்திற்கு கொண்டு சென்று விசாரணை நடத்தி வருகின்றனர். 3 பேரும் தங்கள் ஊர் நாகர்கோவில் என கூறியுள்ளனர்.பஸ்களி் கூட்ட நெரிசலில் கவனத்தை திசை திருப்பி கொள்ளையடிக்கும் கும்பலை சேர்ந்தவர்கள் என விசாரணையில் தெரிய வந்த்து.

இது தொடர்பாக போலீசார் 3 பேரிடமும் தீவிர விசாரணை நடத்தியபோது அவர்கள் கன்னியாகுமரி மாவட்டம் நாகர்கோவில் விநாயகர் கோவில் தெருவை சேரந்த பிரியா (26), சங்கரம்மாள் (28), அபிராமி (25) என தெரியவந்தது. 3 பேரையும் போலீசார் கைது செய்து விசாரணை நடத்தியதில் 2 அரை சவரன் செயினை பறிமுதல் செய்ததோடு, விசாரணை நடத்தி வருகின்றனர்.

கூட்ட நெரிசலில் முஸ்லிம் பெண்கள் போல புர்கா அணிந்து கொண்டு பெண் கொள்ளையர்கள் செயின் பறித்த சம்பவம் பம்மல் பகுதியில் பெரும் பரபரப்பை ஏற்படுத்தியுள்ளது என்பது குறிப்பிடத்தக்கது.