மாமல்லபுரம் சுற்றுலா டிக்கெட்டில் தமிழ் புறக்கணிப்பு

மாமல்லபுர சுற்றுலாத் தலங்களுக்கு ஆங்கிலம், ஹிந்தியில் மட்டுமே டிக்கெட் வழங்கப்படுகிறது.

யுனெஸ்கோ நிறுவனம் சர்வதேச பாரம்பரிய கலைச் சின்னமாக அறிவித்துள்ள மாமல்லபுரத்துக்கு வெளிநாட்டு சுற்றுலாப்பயணிகள் வருகை அதிக அளவில் உள்ளது. கடற்கரைக் கோயில், ஐந்து ரதங்கள், அர்ச்சுனன் தபசு, குடவரை மண்டபங்கள் ஆகிய புராதன கலைச்சின்னங்கள் உள்ளன. இதனை மத்திய அரசின் தொல்லியல் துறை பராமரித்து வருகிறது.

இங்கு 1996ஆம் ஆண்டிலிருந்து உள்நாட்டு சுற்றுலாப் பயணிகளுக்கு 15 முதல் 30 ரூபாய்க்கும் வெளிநாட்டு சுற்றுலாப் பயணிகளுக்கு 200 முதல் 500 ரூபாய்க்கும் டிக்கெட் வழங்கப்படுகிறது.
இந்த டிக்கெட்டில் தமிழ் அல்லாமல் ஆங்கிலம் மற்றும் இந்தி மொழிகளில் மட்டும் தகவல்கள் இருக்கிறது என்று புகார் எழுந்துள்ளது.