தமிழக சட்டப்பேரவையில் பட்ஜெட் விவாதம் இன்று தொடக்கம்

சென்னை: தமிழக சட்டப்பேரவையில் 2018-19ஆம் ஆண்டுக்கான மாநில பட்ஜெட் குறித்த விவாதம் இன்று தொடங்குகிறது.

2018-19ஆம் நிதி ஆண்டுக்கான தமிழக பட்ஜெட் கடந்த 15ஆம் தேதி சட்டப்பேரவையில் தாக்கல் செய்யப்பட்டது. துணை முதல்வரும் நிதி அமைச்சருமான ஓ.பன்னீர்செல்வம் பட்ஜெட்டை தாக்கல் செய்தார்.

பின் நடைபெற்ற சிறப்புக் கூட்டத்தில் காவிரி மேலாண்மை வாரியம் அமைக்க மத்திய அரசை வலியுறுத்தி ஒருமனதாக தீர்மானம் நிறைவேற்றப்பட்டது. இதைத் தொடர்ந்து 3 நாட்கள் அரசு விடுமுறை நாட்கள் வந்ததால், இன்று சட்டப்பேரவை மீண்டும் கூடுகிறது.

இதில், பட்ஜெட் மீதான விவாதம் நடைபெற உள்ளது. வரும் 21 ஆம் தேதி வரை இந்த விவாதம் நடைபெறும். பின், 22ஆம் தேதி உறுப்பினர்களின் கேள்விகளுக்கு நிதி அமைச்சர் ஓ.பன்னீர்செல்வம் பதில் அளிப்பார். அத்துடன் பட்ஜெட் மசோதா நிறைவேற்றப்பட்டு அவை நிறைவடையும்.