முதல்வர் தலைமையில் இன்று அமைச்சரவைக் கூட்டம்

சென்னை : தமிழக முதல்வர் எடப்பாடி பழனிச்சாமி தலைமையில் இன்று அமைச்சரவைக் கூட்டம் நடைப்பெற உள்ளது.

தமிழக சட்டசபை கூட்டம் கடந்த மாதம் 14ம் தேதி தொடங்கி ஜூலை 19 ஆம் தேதி வரை நடைபெற்று வருகிறது. தற்போதைய சட்டசபை கூட்ட தொடரில் மானியக்கோரிக்கை மீதான விவாதங்கள் நடைப்பெற்று வருகிறது.இந்தநிலையில் தமிழக முதல்வர் எடப்பாடி பழனிச்சாமி தலைமையில் அமைச்சரவைக் கூட்டம் இன்று மாலை 4 மணியளவில் நடைப்பெற உள்ளது.

கதிராமங்கலம் போராட்டம் , நெடுவாசல் போராட்டம் , நீட் தேர்வு சர்ச்சை , குடியரசு தலைவர் தேர்தல் உள்ளிட்ட பல்வேறு பிரச்சனைகள் குறித்தும் எம்.ஜி.ஆர் நூற்றாண்டு விழா கொண்டாட்டம் குறித்து இன்றைய அமைச்சரவை கூட்டத்தில் விவாதிக்கப்பட உள்ளதாக தகவல்கள் வெளியாகியுள்ளது.