2018-19ஆம் கல்வி ஆண்டிற்கான இலவச சைக்கிள் திட்டத்தை தொடங்கி வைத்த தமிழக முதல்வர்!

சென்னை: இலவச சைக்கிள் திட்டத்தை மாணவ, மாணவிகளுக்கு வழங்கி முதலமைச்சர் பழனிசாமி தொடங்கி வைத்தார்.

ஆண்டுதோறும் அரசுப் பள்ளிகள், தொழிற்பயிற்சி நிறுவனங்களில் பயிலும் மாணவ, மாணவிகளுக்கு இலவச சைக்கிள்களை தமிழக அரசு வழங்கி வருகிறது. இந்நிலையில் நடப்பாண்டிற்கான திட்டத்தை முதலமைச்சர் பழனிசாமி, துணை முதலமைச்சர் ஓ.பன்னீர்செல்வம் ஆகியோர் தொடங்கி வைத்தனர்.

இந்த திட்டத்திற்காக ரூ.437.86 கோடி ஒதுக்கீடு செய்யப்பட்டது. சென்னை தலைமைச் செயலகத்தில் இன்று நடைபெற்ற நிகழ்ச்சியில், 9 மாணவர்களுக்கு சைக்கிள்களை முதலமைச்சர் பழனிசாமி வழங்கினார்.

நடப்பு கல்வியாண்டில் 5.06 லட்சம் மாணவர்களும், 6.49 லட்சம் மாணவிகளும், 18.506 ஐடிஐ மாணவர்களும் பயன்பெறுகின்றனர். ஒட்டுமொத்தமாக 11.78 லட்சம் மாணவர்களுக்கு இலவச சைக்கிள்கள் வழங்கப்படுகின்றன.

இந்த திட்டம் அரசு நிதியுதவி பெறும் பள்ளிகளின் 11, 12ஆம் வகுப்பு மாணவர்களுக்கு வழங்கப்படுவது குறிப்பிடத்தக்கது.

TN chief minister launches free bicycle scheme for 2018-19 academic year.