தினகரனின் ஆதிக்கத்தால் பதவியை தூக்கி எறியவுள்ள பழனிச்சாமி!

சென்னை : சசிகலாவின் அக்கா மகன் டிடிவி தினகரனி அடுத்தடுத்த கட்டளைகளால் முதல்வர் எடப்பாடு மிகவும் கடுப்பாகியுள்ளதாக வட்டாரங்கள் தெரிவிக்கின்றன.

டிடிவி தினகரன் நியமனம்:
ஜெயலலிதா மறைந்த போது சசிகலாவின் விசுவாசியான எடப்பாடி பழனிச்சாமியை முதல்வராக்க முயற்சித்தார். ஆனால் மத்திய அரசின் நெருக்கடியால் ஓபிஎஸ் முதல்வரானார்.



அதன் பின் தானே முதல்வராக முயற்சித்த சசிகலா, சொத்துகுவிப்பு வழக்கில் சிறை தண்டனை பெற்றார். அப்போது பழனிச்சாமியை முதல்வராக நியமித்ததோடு, அதிமுக தலைமையை அக்கா மகன் டிடிவி தினகரனிடம் அளித்தார்.

நிழல் முதல்வர்:



சசிகலா சிறைக்கு சென்ற பின், அதிமுகவின் துணை பொதுச்செயலாளரான தினகரன், ஒட்டு மொத்த கட்சி மற்றும் ஆட்சியை தன் கட்டுப்பாட்டி வைக்க முயற்சி செய்து வருகிறாராம்.
கட்சி தலைமையில் உள்ள தினகரன், முதல்வர் பழனிச்சாமியை இதை செய்யுங்கள், இப்படி செய்யுங்கள் என கட்டுப்படுத்தி வருகின்றாராம்.
இதற்காக சசிகலாவின் கணவர் நடராஜன், தம்பி திவாகரன் ஆகியோரின் உத்தரவுகளுக்கு கட்டுப்படாதீர்கள் என முதல்வர் எடப்பாடி பழனிச்சாமியிடம் கூறி வருகிறாராம்.

கடுப்பான இபிஎஸ்:



தினகரனின் கட்டளைகளால் கடுப்பாகியுள்ள எடப்பாடி பழனிச்சாமி, நான் சசிகலாவுக்கு மட்டும் தான் விசுவசி. அதனால் அவரது குடும்பமே என்னை கட்டுப்பாட்டில் வைத்துக்கொள்ள விரும்புவதும், அடிமையாக்க துடிப்பதும் சரியா? என கடுகடு வென உள்ளார்.

முதல்வர் பதவி துறப்பாரா?

சசிகலாவின் உத்தரவால் ஓபிஎஸ் தன் பதவியை ராஜினாமா செய்ததைப் போல, தற்போது தினகரனின் அதீத ஆதிக்கத்தால் எடப்பாடி பழனிச்சாமி தன் முதல்வர் பதவியை விரைவில் துறப்பார் என கோட்டை வட்டாரங்கள் தெரிவிக்கின்றன.