முதல்வர் உடல்நிலை மிகவும் கவலைக்கிடம்: அப்பல்லோ செல்கிறார் ஆளுநர்

சென்னை: தமிழக முதல்வரின் உடல்நிலை மிகவும் கவலைக்கிடமாக உள்ள நிலையில், ஆளுநர் வித்யாசாகர் ராவ் அப்பல்லோ செல்லவுள்ளார்.

கடந்த செப்டம்பர் மாதம் 22-ம் தேதியன்று சென்னை அப்பல்லோ மருத்துவமனையில் சிகிச்சைக்காக அனுமதிக்கப்பட்டிருந்த முதல்வர் ஜெயலலிதாவின் உடல்நிலை தேறிவருகிறது என அம்மருத்துவமனை தெரிவித்து வந்த நிலையில், முதல்வர் ஜெயலலிதாவுக்கு இதய செயல் இழப்பு ஏற்பட்டுள்ளதாக அப்பல்லோ மருத்துவமனை நேற்று தெரிவித்தது.

எக்மோ உள்ளிட்ட கருவிகள் கொண்டு அவருக்கு சிகிச்சை அளிக்கப்பட்டு வருவதாக அப்பல்லோ மருத்துவமனை தெரிவித்திருந்த நிலையில், #JayalalithaaHealthNews முதல்வரின் உடல்நிலை மிகவும் கவலைக்கிடமாக உள்ளது என தகவல்கள் வெளியாகியுள்ளன.

இதனையடுத்து, தமிழக ஆளுநர் வித்யாசாகர் ராவ் அப்பல்லோ மருத்துவமனை செல்லவுள்ளார். அதேபோல், மருத்துவர் கில்நாணி தலைமையிலான தில்லி எய்ம்ஸ் மருத்துவர்கள் குழுவும் அப்பல்லோ வந்துடைந்துள்ளதாக தெரிகிறது.

இதனிடையே, முதல்வருக்கு சிகிச்சை அளித்து வந்த லண்டன் மருத்துவர் ரிச்சர்டு, முதல்வருக்கு அதிகபட்சமாக என்ன செய்ய முடிமோ அதை செய்தோம். ஆனால், அவருக்கு இதயம் செயலிழப்பு ஏற்பட்டது என்பது கவலையான விஷயம். ஆனாலும், அவரைக் காப்பாற்றுவதறகான வழிமுறைகளை மருத்துவர்கள் செய்து வருகிறார்கள். ஜெயலலிதாவுக்காக நான் பிராத்தனை செய்து கொள்கிறேன் என்று தனது அறிக்கை மூலம் தெரிவித்துள்ளார்.
TN CM Jaya condition more serious: Governor shortly reached apollo