தஞ்சை தேர் விபத்து: சம்பவ இடத்துக்கு விரைந்த முதல்வர் ஸ்டாலின்

தஞ்சாவூர் அடுத்த களிமேடு அப்பர் கோவிலில் 94ஆவது ஆண்டு சித்திரை திருவிழாவை முன்னிட்டு, நேற்று நள்ளிரவு தேரோட்டம் நடைபெற்றது. இன்று அதிகாலை 3 மணியளவில் மின்சாரம் பாய்ந்ததில் தேர் தீ பிடித்து விபத்துக்குள்ளானது. இதில் 12 பேர் உயிரிழந்துள்ளனர், 15 பேர் படுகாயமடைந்தனர்.

நாடு முழுவதும் பெரும் சோகத்தை ஏற்படுத்திய இந்த சம்பவத்துக்கு பிரதமர் மோடி, குடியரசு தலைவர் ராம்நாத் கோவிந்த், முதலமைச்சர் மு.க.ஸ்டாலின் மற்றும் பிற கட்சித் தலைவர்கள் இரங்கல் தெரிவித்துள்ளனர்.

உயிரிழந்தவர்களின் குடும்பத்துக்கு 2 லட்சம் ரூபாயும், பாதிக்கப்பட்டவர்களுக்கு 50000 ரூபாயும் நிவாரண உதவி வழங்க பிரதமர் மோடி உத்தரவிட்டுள்ளார்.
6 வயதுக்கு மேற்பட்ட குழந்தைகளுக்கு கொரோனா தடுப்பூசி: ஒன்றிய அரசு அனுமதி!
முதலமைச்சர் மு.க.ஸ்டாலின் உயிரிழந்தவர்களின் குடும்பத்துக்கு 5 லட்சம் ரூபாய் வழங்க உத்தரவிட்டுள்ளார். பாதிகக்ப்பட்டவர்களுக்கு மருத்துவ குழு அமைத்து சிகிச்சை மேற்கொள்ளப்பட்டு வருகிறது. அமைச்சர் அன்பில் மகேஷை சம்பவ இடத்துக்கு உடனடியாக செல்ல உத்தரவிட்ட முதல்வர் ஸ்டாலின் அவரும் தஞ்சை கிளம்பிச் சென்றுள்ளார்.

இன்று சட்டப்பேரவையில் உயிரிழந்தவர்களுக்கான நிவாரணத்தை அறிவித்த முதல்வர் பின்னர் விமானம் மூலமாக திருச்சி செல்கிறார். அங்கிருந்து காரில் தஞ்சை சென்று உயிரிழந்தவர்களின் குடும்பத்தினரை சந்தித்து ஆறுதல் கூறுகிறார்.
பாஜக சித்தாந்தம் இதுதான்: புது விளக்கம் கொடுத்த அண்ணாமலை
சட்டப்பேரவையில் இன்று பேசிய முதல்வர், “ தஞ்சாவூர் மாவட்டம் களிமேடு கிராமத்தில் மின்சார விபத்தில் உயிரிழந்தவருக்கு தலா 5லட்சம் ரூபாய், உடனடியாக வழங்கவும், பள்ளிக்கல்வித்துறை அமைச்சர் அன்பில் மகேஷ் பொய்யாமொழி உடனடியாக தஞ்சைக்கு விரைந்துள்ளார். மேலும் படுகாயமடைந்தவருக்கு சிறப்பான சிகிச்சை அளிக்கவும் விபத்து பகுதியில் மீட்பு நடவடிக்கைகளை துரிதப்படுத்தவும் மாவட்ட நிர்வாகத்திற்கும், காவல் துறைக்கும் உத்தரவு வழங்கப்பட்டுள்ளது. விபத்தில் உயிரிழந்தவர்கள் குடும்பத்தை நேரில் சந்திக்க உள்ளேன். அதோடு காயம் அடைந்து சிகிச்சை பெற்று வருபவர்களை சந்திக்க உள்ளேன்” என்று கூறியிருந்தார்.