ஆப்நகரம்

ஐ.ஜி.,முருகனுக்கு எதிரான பாலியல் வழக்கு: உயர் நீதிமன்ற உத்தரவுக்கு தமிழக அரசு எதிர்ப்பு

ஐ.ஜி.,முருகன் மீதான பாலியல் வழக்கை தெலங்கானாவுக்கு மாற்றிய சென்னை உயர் நீதிமன்றத்தின் உத்தரவை எதிர்த்து தமிழக அரசு சார்பில் உச்ச நீதிமன்றத்தில் வழக்கு தொடரப்பட்டுள்ளது

Samayam Tamil 14 Oct 2019, 2:51 pm
சென்னை: தமிழக காவல்துறை ஐ.ஜி.,முருகன் மீதான பாலியல் வழக்கை அண்டை மாநிலத்துக்கு மாற்றிய சென்னை உயர் நீதிமன்றத்தின் உத்தரவுக்கு தமிழக அரசு எதிர்ப்பு தெரிவித்துள்ளது.
Samayam Tamil supreme court


தமிழக காவல்துறையின் லஞ்ச ஒழிப்புத்துறை ஐஜி முருகன் மீது, பெண் எஸ்பி ஒருவர் கடந்த ஆண்டில் பாலியல் புகார் அளித்திருந்தார். அதில், தினமும் ஆபாச வீடியோக்களை அனுப்பி தன்னுடைய ஆசைக்கு இணங்குமாறும் வற்புறுத்தியதாகவும், தன்னைக் கட்டிப் பிடிக்க முயற்சிப்பதாகவும், பல வழிகளில் தொடர்ந்து பாலியல் அழைப்பு விடுப்பதாகவும் தெரிவிக்கப்பட்டிருந்தது.

லலிதா ஜுவல்லரி: ‘பாத்ரூம்ல வழுக்கி விழுந்துருவேன்' சுரேஷ் அழுது புலம்பல்!

இதனைத் தொடர்ந்து காவல்துறை தலைவர் உத்தரவின் பேரில் தமிழக காவல்துறையில் செயலற்று கிடந்த விஷாகா குழு மீண்டும் புதுப்பிக்கப்பட்டு இந்த புகார் குறித்து விசாரிக்கப்பட்டது. இதுகுறித்து விசாரித்த ஏடிஜிபி சீமா அகர்வால் தலைமையிலான விஷாகா குழு, குற்றம் சாட்டப்பட்ட ஐ.ஜி மீது, கிரிமினல் வழக்குப்பதிவு செய்து சிபிசிஐடி விசாரிக்க தமிழக காவல்துறைக்கு பரிந்துரை செய்தது. அதேசமயம், விசாரணை குழுவில் தன்னார்வ தொண்டு நிறுவன பிரதிநிதியை நியமிக்க கோரியும், முருகனை பணியிட மாற்றம் செய்யக்கோரியும் பாதிக்கப்பட்ட பெண் சென்னை உயர் நீதிமன்றத்தில் வழக்கு தொடர்ந்தார்.

கோவையில் மசாஜ் சென்டர் பெயரில் விபச்சாரம்: கமிஷ்னர் வைத்த ‘செக்’!

இதையடுத்து, விஷாகா குழு புதுப்பிக்கப்பட்டது. அத்துடன் முருகன் மீது துறை ரீதியான நடவடிக்கை எடுக்க நீதிமன்றம் உத்தரவிட்டதன் பேரில், பொருளாதார குற்றப்பிரிவுக்கு அவர் பணியிட மாற்றம் செய்யப்பட்டார்.

இதனிடையே, தன் மீதான சிபிசிஐடி விசாரணைக்கு தடை விதிக்க கோரி முருகன் தரப்பில் உயர் நீதிமன்றத்தில் வழக்கு தொடரப்பட்டது. வழக்கை விசாரித்த நீதிமன்றம், சிபிசிஐடி விசாரணையை தொடர அனுமதியளித்ததுடன் முருகனது மனுவை தள்ளுபடி செய்தது. தனி நீதிபதியின் இந்த உத்தரவை எதிர்த்து உயர் நீதிமன்றத்தில் முருகன் மேல்முறையீடு செய்தார். இதை விசாரித்த நீதிபதிகள் ஆதிகேசவலு, சசிதரன் அடங்கிய அமர்வு, சிபிசிஐடி விசாரணைக்கு இடைக்காலத் தடைவிதித்தது. அதன்பின்னர், இந்த வழக்கு வினித் கோத்தாரி, சி.வி.கார்த்திகேயன் அமர்வுக்கு மாற்றப்பட்டது.

அன்று தியானம், இன்று மயக்கம்..! நிர்மலா தேவிக்கு நடப்பது என்ன?

அப்போது இரு கமிட்டிகளின் விசாரணைகளிலும் பாதிக்கப்பட்ட பெண் அதிகாரிக்கு திருப்தி இல்லை என அரசு தரப்பு வாதிட்டது. இதனைகேட்ட நீதிமன்றம் வழக்கை வேறு மாநிலத்துக்கு மாற்றலாமா என கேட்டது. ஆனால் அதற்கு எதிர்ப்பு தெரிவித்த அரசு சார்பில் ஆஜரான வழக்கறிஞர், ஓய்வு பெற்ற நீதிபதி அல்லது பெண் உயர் ஆதிகாரி ஒருவரை வைத்து தமிழகத்திலேயே வழக்கை நடத்தலாம் என வாதிட்டார். வாதத்தை பதிவு செய்து கொண்ட நீதிமன்றம், வழக்கை தெலங்கானா மாநிலத்துக்கு மாற்றி உத்தரவிட்டது.

இந்நிலையில், ஐ.ஜி.,முருகன் மீதான பாலியல் வழக்கை தெலங்கானாவுக்கு மாற்றிய சென்னை உயர் நீதிமன்றத்தின் உத்தரவை எதிர்த்து தமிழக அரசு சார்பில் உச்ச நீதிமன்றத்தில் வழக்கு தொடரப்பட்டுள்ளது. வழக்கு விசாரணையை 2 வாரங்களுக்கு உச்ச நீதிமன்றம் ஒத்திவைத்துள்ளது.

அடுத்த செய்தி