வேணா பாருங்க! பேலன்ஸ் தாங்காம ஆட்சி தானா கவிழும்; மைத்ரேயன் அதிரடி

சென்னை: இன்னும் சிறிது காலத்தில் பாரம் தாங்காமல் தமிழக அரசு கவிழும் என்று மைத்ரேயன் எம்.பி தெரிவித்துள்ளார்.

சென்னையில் நடைபெற்ற நிகழ்ச்சி ஒன்றில் அதிமுக புரட்சி தலைவி அம்மா அணியைச் சேர்ந்த மைத்ரேயன் எம்.பி கலந்து கொண்டார். இதையடுத்து செய்தியாளர்களிடம் பேசிய அவர், தமிழகத்தில் பல்வேறு மர்ம மரணங்கள் நடந்து கொண்டு இருக்கின்றன என்றும், சட்டமும் இல்லை ஒழுங்கும் இல்லை என்று குற்றம்சாட்டினார். குடிநீர் பிரச்சனையை தீர்க்க பழனிசாமி அரசு நடவடிக்கை எடுக்கவில்லை என்று குறிப்பிட்டார். மேலும் சரியான ஆட்சி நடைபெறாததன் காரணமாக, தொழிற்சாலைகள் வெளி மாநிலங்களுக்கு செல்லும் சூழ்நிலை ஏற்பட்டுள்ளதாக குறிப்பிட்டார்.

தமிழக அமைச்சர்கள் மீது தொடர்ந்து புகார்கள் வந்த வண்ணம் உள்ளதாக குறிப்பிட்ட அவர், தமிழக அரசு அதன் பாரம் தாங்காமல் தானாகவே கலையும் என்று கூறினார். முன்னாள் முதலமைச்சர் ஜெயலலிதா இருந்த போது, ராணுவக் கட்டுப்பாட்டுடன் இருந்த கட்சியில், தற்போது அவர்கள் இஷ்டத்திற்கு செயல்பட்டுக் கொண்டிருப்பதாக தெரிவித்தார். சட்டப்பேரவை தேர்தல் விரைவில் வரும் என்றும், அதில் ஓபிஎஸ் மாபெரும் வெற்றி பெறுவார் என்றும் தெரிவித்தார்.

TN Govt will fall soon without balance says Maitreyan.