22 ஆண்டுகள் இல்லாத மழையாம்ல; தாகம் தீர்த்துக் கொள்ளுமா தமிழகம்!

சென்னை: தமிழகத்தில் இதுவரை இல்லாத அளவிற்கு கனமழை பெய்துள்ளதாக தெரிவிக்கப்பட்டுள்ளது.

தமிழகம் மற்றும் புதுச்சேரியில் கடந்த சில நாட்களாக நல்ல மழை பெய்து வருகிறது. வெப்பச்சலனம் மற்றும் மேற்குதிசைக் காற்றின் வேக மாறுபாடு காரணமாக, மழை பெய்துள்ளதாக வானிலை ஆய்வு மையம் தெரிவித்துள்ளது.

மேலும் 2 நாட்களுக்கு தமிழகம் மற்றும் புதுச்சேரியில் ஓரிரு இடங்களில் மிதமான மழை பெய்யும் என்று கூறப்பட்டுள்ளது. இதனால் மக்கள் குடிநீர் தேவை ஓரளவு பூர்த்தியாகி வருகிறது.

தமிழகம் மற்றும் புதுச்சேரியில் தென்மேற்கு பருவமழை 41% மழைபொழிவை அளித்துள்ளதாக குறிப்பிடப்பட்டுள்ளது.

இந்த அளவு சராசரியை விட 29% அதிகம் என்று தெரிவிக்கப்பட்டுள்ளது. மேலும் கடந்த 22 ஆண்டுகளில் இதுபோன்ற ஒரு மழையை கண்டதில்லை என்று கூறப்பட்டுள்ளது.

TN rainfall is the record break in 22 years.