அமைச்சரின் சொந்த ஊரான கரூரில் 100% பேருந்துகள் இயக்கம்

போக்குவரத்துதுறை அமைச்சர் எம்.ஆர். விஜயபாஸ்கரின் சொந்த மாவட்டமான கரூரில் 100% பேருந்துகள் இயக்கப்படுவதாக செய்திகள் வந்துள்ளன.

தமிழகத்தில் போக்குவரத்து ஊழியர்களின் வேலைநிறுத்த ஆர்ப்பாட்டம் 5வது நாளாக தொடர்ந்து வருகிறது. தற்காலிக ஓட்டுனர்கள் மூலம் பேருந்துகள் இயக்கப்படுவதால், ஒவ்வொரு மாவட்டத்திலும் குறைந்த அளவிலான பேருந்துகளே இயக்கப்படுகிறது.

இதில், குறைந்தபட்சமாக திருவள்ளூர், கோவை ஆகிய மாவட்டங்களில் 40% பேருந்துகள் இயக்கப்படுகின்றன. அதிகபட்சமாக போக்குவரத்துத் துறை அமைச்சர் எம்.ஆர். விஜயபாஸ்கரின் சொந்த மாவட்டமான கரூரில் 100% பேருந்துகள் இயக்கப்படுகின்றன.

சென்னையில், 45% பேருந்துகள் தற்காலிக ஓட்டுனர்கள் மூலம் இயக்கப்படுவதாக மாநகர போக்குவரத்து தெரிவித்துள்ளது.