திருச்சி விமான நிலையத்தில் ஜிகா வைரஸ் பரிசோதனை

வெளிநாடுகளில் இருந்து திருச்சிக்கு விமானத்தில் வரும் பயணிகளுக்கு ஜிகா வைரஸ் பரிசோதனை நடத்தப்படுகிறது.

சிங்கப்பூரில் உள்ள இந்தியர்களிடையே ஜிகா வைரஸ் பரவிவருவதாக, வெளியான தகவலை அடுத்து, இந்த பரிசோதனை நடைமுறைக்கு வந்துள்ளது. சிங்கப்பூர், மலேசியா மற்றும் இதர வெளிநாடுகளில் இருந்து திருச்சி வரும் விமானப் பயணிகள் அனைவருக்கும் ஜிகா வைரஸ் பரிசோதனை மேற்கொள்ளப்படுவதாக, அதிகாரிகள் தெரிவித்தனர்.

ஜிகா வைரஸ் தொற்று உள்ளதா என முழுமையாகப் பரிசோதித்த பிறகே, பயணிகள் அனைவரும் விமான நிலையத்தை விட்டு வெளியேற அனுமதிக்கப்படுவதாகவும் அதிகாரிகள் குறிப்பிட்டனர்.