அதே நேரத்தில் இந்த கொலை தொடர்பான விசாரணையில் மதத்தின் அடிப்படையில் இந்த சம்பவம் நடக்கவில்லை என காவல் துறை உறுதி செய்துள்ளது. இந்த கொலை சம்பவத்தில் 3 பேருக்குத் தொடர்பு இருக்கிறது. கொலையாளிகள் குறித்த வீடியோக் காட்சிகள் கிடைத்துள்ளது. அதன் அடிப்படையில் விசாரணை நடத்தப்பட்டு, விரைவாகக் குற்றவாளிகள் கைது செய்யப்படுவார்கள். கொலை குறித்து புகார் பெறப்பட்டுள்ளது. யார் கொலை செய்திருந்தாலும் அவர்கள் மீது கடுமையாக நடவடிக்கை எடுக்கப்படும்.
குற்றவாளிகள் குறித்து பல்வேறு தகவல்கள் கிடைத்துள்ளன. குற்றம் இழைத்ததாகக் கருதப்படும் நபர்கள் ஏற்கனவே பல்வேறு குற்றச் செயல்களில் ஈடுபட்டவர்கள் என்பது உறுதிப்படுத்தப்பட்டுள்ளது.
முக்கிய குற்றவாளியான பாபு கடந்த, 6 மாதங்களுக்கு முன்பு குண்டர் தடுப்பு சட்டத்தில் கைது செய்யப்பட்டு, இந்த மாதம் 10ஆம் தேதிதான் பரோலில் வந்துள்ளார். குற்றம் சாட்டப்பட்டுள்ள பாபுவை பிடிக்க, 5 தனிப்படைகள் அமைக்கப்பட்டுள்ளன. விரைவில் குற்றவாளிகளைப் பிடித்து விடுவோம்.
"பரோலில் வந்த பாபுவை காவல் துறையினர் சரியாகக் கண்காணிக்கத் தவறியதாகவும், காவல் நிலையத்தில் முறையாகக் கையெழுத்திடவில்லை" என நிருபர்கள் எழுப்பிய கேள்விக்குப் பதிலளித்த அமல்ராஜ், "அவ்வாறு கவனக்குறைவாகவிருந்து பரோலில் வந்தவரைக் கவனிக்கத் தவறிய காவல் துறையினர் மீது கடுமையான நடவடிக்கை எடுக்கப்படும்" என்றார்.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
