ஆர்.கே.நகரில் தினரனுக்கு வெற்றி வாய்ப்பு: சர்வேயால் பீதியில் இருக்கும் பிற கட்சிகள்!

ஆர்.கே.நகரில் டிடிவி தினகரனின் குக்கர் சின்னத்திற்கான வேட்பாளரையே மக்கள் எளிதில் அடையாளம் கண்டுகொள்வதாக ராஜநாயகத்தின் 2வது சர்வே முடிவுகள் தெரிவித்துள்ளன.

ஆர்.கே.நகர் தொகுதியில் வரும் 21ம் தேதி இடைத்தேர்தல் நடக்கயிருக்கிறது. இதில், அ.தி.மு.க. சார்பில் மதுசூதனன், தி.மு.க. சார்பில் மருது கணேஷ், பி.ஜே.பி-யின் கரு.நாகராஜன், டி.டி.வி. தினகரன் மற்றும் சுயேச்சை வேட்பாளர்கள் போட்டியிடுகிறார்கள். இந்த நிலையில், இந்த தேர்தல் குறித்து கடந்த 13ம் தேதி பேராசிரியர் ராஜநாயகம் தலைமையிலான மக்கள் ஆய்வு மையம் கருத்துக்கணிப்பு நடத்தியது. இதில், டிடிவி தினகரனுக்கு அதிக ஆதரவு தெரிவிப்பதாக இருந்தது. இதைக் கண்ட ஆளும்கட்சி உள்பட பிற கட்சிகள் மிகுந்த கலக்கத்தில் இருந்தனர்.

இந்த முடிவைத் தொடர்ந்து தற்போது 2வது கருத்துக்கணிப்பு முடிவுகளை ராஜநாயகம் தலைமையிலான மக்கள் ஆய்வு அமைப்பு வெளியிட்டுள்ளது. கடந்த 13ம் தேதி முதல் 17ம் தேதி வரை 3040 பேரிசம் கருத்துக்கணிப்பு நடத்தப்பட்டதாக தெரிவிக்கப்பட்டுள்ளது. இந்த முடிவுகளும் டிடிவி தினகரனுக்கு சாதகமாக இருப்பதாக கூறப்பட்டுள்ளது. அதிக வாக்குகள் பெற்றுள்ள இவரது சின்னத்திற்கான மதிப்பீட்டிலும், குக்கர் வேட்பாளரையே மக்கள் எளிதில் அடையாளம் காண முடிவதாக தெரிவித்துள்ளார்கள் என்று முடிவுகள் தெரிவிக்கின்றது.

கடந்த முறை நடந்த (91.6 புள்ளிகள்) கருத்துக்கணிப்பு முடிவை விட டிடிவி தினகரன் 2வது முறை கருத்துக்கணிப்பில் 97.4 புள்ளிகள் பெற்றுள்ளார். இதைத் தொடர்ந்து அதிமுக 95.4 புள்ளிகளும், திமுக 94.6 புள்ளிகளும் பெற்றுள்ளன. இன்று தேர்தல் நடந்தால் கூட அதிக் வாக்குகள் வித்தியாசத்தில் டிடிவி தினகரனே ஜெயிக்க முடியும் என்று கருத்துக்கணிப்பு முடிவுகள் தெரிவிக்கின்றது என்பது குறிப்பிடத்தக்கது.