டிடிவி தினகரன் கும்பலுக்குத் தாவிய இன்னொரு எம்எல்ஏ?

சென்னை: கரூர் மாவட்டம் கிருஷ்ணராயபுரம் தொகுதி எம்எல்ஏ கீதா டிடிவி. தினகரன் கும்பலில் ஐக்கியமாக இருப்பதாக கூறப்படுகிறது.

முதல்வர் எடப்பாடியை ஆதரிக்காத 19 எம்எல்ஏக்கள் தினகரனுக்கு ஆதரவாக உள்ளனர். ஆளுநரிடம் கடந்த ஆண்டு கடிதம் மூலம் முதல்வருக்கான ஆதரவை விலக்கிக்கொள்வதாகத் தெரிவித்தனர்.

அவர்களை சபாநாயகர் அழைத்துப் பேச விரும்பியபோது பெங்களூரில், புதுச்சேரியில் என்று டேரா போட்டனர். இதனால், அவர்கள் கூண்டோடு தகுதி நீக்கம் செய்யப்பட்டனர். இதனை எதிர்த்து தொடரப்பட வழக்கு உயர்நீதிமன்றத்தில் நிலுவையில் உள்ளது.

இந்நிலையில், புதிதாக எடப்பாடிக்கு ஆதரவாக இருந்துவரும் கரூர் மாவட்டம் கிருஷ்ணராயபுரம் தொகுதி எம்எல்ஏ கீதா தினகரன் பக்கம் தாவ நேரம் குறித்துவிட்டதாக தகவல் வெளியாகியுள்ளது.

இச்சூழலில், ஆர்.கே.நகர் தேர்தலில் வெற்றி பெற வைத்த அத்தொகுதி மக்களுக்கு தினகரன் தரப்பில் தலா ரூ.10,000 கொடுத்து நன்றி தெரிவிக்கும் ரகசிய வேலை நடப்பதாகவும் கூறப்படுகிறது.