தமிழனின் ஆச்சரியப்படுத்தும் சூரிய கடிகாரம்- இன்றும் வியக்க வைக்கும் 2,000 ஆண்டுகால அதிசயம்!

உலகின் மிக மூத்த குடிமக்கள் தமிழ் மக்கள் என்றும், முதலில் தோன்றிய மொழி தமிழ் என்றும் வரலாற்று ஆய்வாளர்கள் கூறுகின்றனர். இதற்கான ஏராளமான சான்றுகள் அவ்வப்போது கிடைக்கப் பெற்று வருகின்றன.

சமீபத்தில் மதுரை அருகே கீழடியில் நடைபெற்ற அகழாய்வில் கூட, பழங்கால பொருட்கள் ஏராளம் கண்டெடுக்கப்பட்டன. தமிழர்களின் கலாச்சாரத்தை வெளிப்படுத்தும் இவை, சுமார் 3000 ஆண்டுகள் பழமையானது என்று கூறப்படுகிறது.

பழமையான நாகரிகம் என்று கூறும் சிந்துசமவெளியை விட, தமிழ் நாகரிகம் மிக மூத்தது என்று பெருமை கொள்ளும் வகையில் இத்தகைய சான்றுகள் வெளிப்பட்டுள்ளன. தற்போதும் கூட நிலவிற்கு யாரும் செல்லாத தென் துருவப் பகுதிக்கு செயற்கைக்கோளை அனுப்பி இந்தியர்கள் சாதனைப் படைத்துள்ளனர்.

ஆச்சரியத் தகவல்- இலங்கை வரை நீண்டு சென்ற தமிழக நதிகள்; இது எப்படி சாத்தியம்!

இதன் அடிப்படையாக விளங்கும் இஸ்ரோவை வழிநடத்தும் தலைமைப் பொறுப்பில் சிவன் என்ற தமிழன் இருப்பதை பெருமைப்பட கொண்டாடி வருகின்றனர். மேலும் நிலவில் முடியேறும் முதல் நபர் தமிழனாகத் தான் இருப்பான் என்றெல்லாம் கனவுக் கோட்டை கட்டத் தொடங்கியுள்ளனர்.

இந்நிலையில் சமூக வலைத்தளங்களில் பிரபல தளமாக விளங்கும் டிக் டாக்கில், தமிழனை பெருமைப்படுத்தும் வகையில் வீடியோ ஒன்று வைரலாகி வருகிறது. அது சூரிய கடிகாரம்.

சத்தியமங்கலத்தில் வாகனங்களை துரத்தும் காட்டு யானைகளால் அச்சம்!

சுமார் 2000 ஆண்டுகளுக்கு முன்பு, தமிழன் கண்டுபிடித்த சூரிய கடிகாரம் தான் இது என்று குறிப்பிடப்பட்டுள்ளது. இந்த கடிகாரம் எப்படி செயல்படுகிறது என்பதை வீடியோவில் விளக்குகின்றனர்.

அந்த நேரத்தில் ஸ்மார்ட்போன் நேரத்துடன் ஒப்பிட்டு, ஒன்றாக இருப்பதை காண்பித்து பிரமிக்க வைக்கின்றனர். தமிழனின் பெருமைபாடும் ஏராளமான கண்டுபிடிப்புகள், இந்த உலகம் உள்ளவரை நிலைத்து நிற்கும். தமிழர்கள் இன்னும் பல சாதனைகள் படைப்பார் என்பதிலும் ஐயமில்லை என்றே தோன்றுகிறது.

மகேந்திரகிரி இஸ்ரோ மையம் பகுதியில் பறந்த விமானம்: காவல்துறை விசாரணை!