வைகோ உடல்நிலை: மதிமுகவில் நடைபெறும் அதிரடி மாற்றம்?

மதிமுக பொதுச்செயலாளராக கட்சியின் ஒற்றை முகமாக வலம் வந்தார் வைகோ. இப்போதும் கட்சியின் பொதுச்செயலாளர் அவர்தான் என்றாலும் கட்சியின் முகமாக அவரது மகன் துரை வைகோவே பல இடங்களிலும் முன்னிறுத்தப்படுகிறார்.

கடந்த சில ஆண்டுகளாக கட்சி நிர்வாகிகளின் வீட்டு விஷேசங்களுக்கு சென்று வந்தவர், தேர்தல் பணிகளிலும் கவனம் செலுத்தினார். சட்டமன்றத் தேர்தலுக்குப் பின்னர் அவருக்கு

தலைமை நிலையச் செயலாளர் என்ற பதவி அவருக்காக உருவாக்கப்பட்டு அதில் அமரவைக்கப்பட்டார். வயது முதிர்ச்சி காரணமாக வைகோ முக்கிய நிகழ்ச்சிகளைக் கூட கலந்துகொள்ளாமல் தவிர்த்து வருகிறார். வீட்டிலேயே யோகா, உடற்பயிற்சி ஆகியவற்றில் கவனம் செலுத்தி வருகிறாராம்.
துர்கா ஸ்டாலின் குட் புக்கில் இடம் பிடித்தவருக்கு ஆப்பு: ஸ்டாலின் காட்டிய அதிரடி!
தேசிய அளவில் கவனம் பெற்ற முதல்வர் மு.க.ஸ்டாலினின் ‘உங்களில் ஒருவன்’ புத்தக வெளியீட்டு விழாவில் கலந்து கொள்ளாமல் தனக்கு பதில் தனது மகன் துரை வைகோவையே கலந்துகொள்ளச் செய்தார்.

இந்நிலையில் மாவட்டச் செயலாளர்கள் கூட்டம் நடைபெற உள்ளது. அந்த கூட்டத்திலாவது வைகோ கலந்துகொள்வாரா என்ற எதிர்பார்ப்பு மாவட்ட செயலாளர்களிடம் உருவாகியுள்ளது. அதில் பொதுக் குழு கூட்டம் குறித்து விவாதிக்கப்படும் என்கிறார்கள்.
குடும்பத் தலைவிகளுக்கு ரூ 1000: ஆனால்.. ட்விஸ்ட் வைக்கும் பிடிஆர்!
பொதுக்குழு கூட்டி அதில் துரை வைகோவுக்கு துணைப் பொதுச் செயலாளர் பதவியோ, செயல் தலைவர் பதவியோ வழங்க தீர்மானம் நிறைவேற்றப்படும் என்கிறார்கள் கட்சியின் உள் விவகாரம் அறிந்தவர்கள். அதற்கான பூர்வாங்கப் பணிகள் தொடங்கிவிட்டதாகவும் தகவல் தருகிறார்கள்.