ஆப்நகரம்

பகுத்தறிவாளிக்கு பால் ஊற்றுவதா..? வைரமுத்துவை வறுத்தெடுக்கும் நெட்டிசன்கள்

திமுக தலைவர் நல்லடக்கம் செய்யப்பட்டுள்ள இடத்தில் திரைப்பட பாடலாசிரியர் வைரமுத்து பால் ஊற்றி வணங்கி சென்றார். இது தற்போது சமூகவலைதளங்களில் வைரலாகி வருகிறது.

Samayam Tamil 9 Aug 2018, 7:43 pm
திமுக தலைவர் நல்லடக்கம் செய்யப்பட்டுள்ள இடத்தில் திரைப்பட பாடலாசிரியர் வைரமுத்து பால் ஊற்றி வணங்கி சென்றார். இது தற்போது சமூகவலைதளங்களில் வைரலாகி வருகிறது.
Samayam Tamil variamuthu
கருணாநிதி சமாதியில் பால் ஊற்றிய வைரமுத்து? எழும் விமர்சங்கள்..!!


கடந்த 7ம் தேதி காவேரி மருத்துவமனையில் அனுமதிக்கப்பட்டிருந்த கருணாநிதி மாலை 6.10 மணியளவில் காலமானார். அவரது உடல் பொதுமக்கள் அஞ்சலிக்காக சென்னை ராஜாஜி அரங்கில் வைக்கப்பட்டது.

பல்வேறு அரசியல் கட்சி தலைவர்கள், சினிமா பிரபலங்கள், பல்வேறு துறை பிரமுகர்கள் என பலரும் கருணாநிதியின் உடலுக்கு இறுதி அஞ்சலி செலுத்தினர். அப்போது மரியாதை செய்ய வந்த பாடலாசிரியர் வைரமுத்து, கருணாநிதியின் உடலை பார்த்து கதறி அழுதார். இது பார்ப்போர் நெஞ்சை உருகச்செய்தது.

இந்நிலையில் கருணாநிதியின் உடல் ஊர்வலமாகச் எடுத்து செல்லப்பட்டு மெரினா அண்ணா நினைவிடத்திற்கு அருகில் நல்லடக்கம் செய்யப்பட்டது. தற்போது இரவும், பகலும் தமிழகத்தின் பல்வேறு பகுதிகளிலிருந்து கருணாநிதி சமாதிக்கு பலரும் மலர்தூவி அஞ்சலி செலுத்தி வருகின்றனர்.

இன்று காலை கருணாநிதி சமாதிக்கு பாடலாசிரியர் வைரமுத்து மகன் மதன்கார்க்கி உடன் வந்தார். அப்போது அவர், சமாதி மீது பால் ஊற்றி அஞ்சலி செலுத்தினார். இது சமூக வலைதளங்களில் பலராலும் விமர்சிக்கப்பட்டது.

அதுகுறித்து கேள்வி பதிலளித்த வைரமுத்து, தந்தைக்கு மகன் செய்ய வேண்டிய காரியத்தை செய்தேன் என தெரிவித்தார். ஆனால் பகுத்தறிவுவாதியான கருணாநிதிக்கு இந்துத்துவ முறையில் காரியம் செய்திருப்பது பல தரப்பினர் மத்தியில் விமர்சனத்தை எழுப்பியுள்ளது.





அடுத்த செய்தி