Thol Thirumavalavan: விசிக தலைவர் தொல்.திருமாவளவன் அப்போலோ மருத்துவமனையில் அனுமதி!!

விடுதலை சிறுத்தைகள் கட்சியின் தலைவர் தொல்.திருமாவளவன், உடல்நலக்குறைவு காரணமாக அப்போலோ மருத்துமனையில் அனுமதிக்கப்பட்டுள்ளார்.

விடுதலை சிறுத்தைகளின் கட்சியின் தலைவராக இருப்பவர் தொல்.திருமாவளவன். கடந்த 2009 பாராளுமன்றத் தேர்தலில் சிதம்பரம் தொகுதியில் வெற்றி பெற்று, எம்பியாகவும் பணியாற்றியுள்ளார். அதுதவிர, ஒரு சிலபடங்களில் சிறப்புத் தோற்றத்திலும் தோன்றியுள்ளார். கடந்த 2016 சட்டமன்றத் தேர்தலில் வைகோ, விஜயகாந்த் ஆகியோருடன் மூன்றாம் அணியாக கூட்டணி சேர்ந்து போட்டியிட்டு, தோல்வியடைந்தார்.

இந்நிலையில், திடீரென்று தொல்.திருமாவளவன் சென்னை அப்போலோ மருத்துவமனையில் சிகிச்சைக்காக அனுமதிக்கப்பட்டுள்ளார். 56 வயதான அவருக்கு உடல்நலக்குறைவு ஏற்பட்டுள்ளதாக தகவல்கள் வெளியாகியுள்ளன.