பல்பு வாங்கியத்தில் அமைச்சர் வேலுமணி முறைகேடு- திமுக எம்.எல்.ஏ குற்றச்சாட்டு

ரூ. 300 எல்.இ.டி ரக மின் விளக்குகளை ரூ. 3500 என்று கூறி அமைச்சர் வேலுமணி ஊழல் செய்துவிட்டதாக வேலூர் திமுக சட்டமன்ற உறுப்பினர் ஒருவர் குற்றஞ்சாட்டியுள்ளார்.

வேலூர் மாவட்டம் ராணிப்பேட்டையில் நடைபெற்ற திமுக அலுவககத்தில் கட்சி பொறுப்பாளர்களின் ஆலோசனைக்கூட்டம் நடைபெற்றது. இதில் திமுக கட்சியினர் பலர் பங்கேற்றிருந்தனர்.

ராணிப்பேட்டை சட்டமன்ற உறுப்பினர் காந்தி தலைமையில் நடைபெற்ற இந்த கூட்டத்தில் பேசிய ஆற்காடு தொகுதி எம்.எல்.ஏ ஜெ.எஸ். ஈஸ்வரப்பன் அதிமுக அமைச்சர் வேலுமணி எல்.இ.டி பல்பு வாங்கியதில் ஊழல் செய்துவிட்டதாக தெரிவித்தார்.

மேலும் பேசிய அவர், ரூ. 300 மதிப்பிலான எல்.இ.டி விளக்குகளை ரூ. 3500 என விலை நிர்ணயித்து பணத்தை கொள்ளையடித்து விட்டதாக தெரிவித்தார். இதுபோன்ற கொள்ளைகள் பற்றி பொதுமக்களுக்கு தெரியவதில்லை. ஆகவே இந்த ஊழலை மக்கள் மத்தியில் கொண்டு சேர்க்க வேண்டும் என அவர் பேசினார்.