கலைஞர் கருணாநிதியை நலம் விசாரிக்க வருகிறார் துணை குடியரசுத் தலைவர்!!

சென்னை: மருத்துவமனையில் அனுமதிக்கப்பட்டுள்ள திமுக தலைவர் கருணாநிதியின் உடல்நிலைக் குறித்து அறிய துணை குடியரசுத்தலைவர் வெங்கையா நாயுடு நாளை சென்னை வருகிறார்.

திமுக தலைவராக 50வது ஆண்டில் அடியெடுத்து வைத்துள்ள கருணாநிதிக்கு, கடந்த சில தினங்களாக உடல்நலம் மோசமாக பாதிக்கப்பட்டுள்ளது. இதனிடையே, நேற்று இரவு ரத்த அழுத்தம் குறைந்ததால், உடனடியாக ஆம்புலன்ஸ் மூலம் காவேரி மருத்துவமனைக்கு கொண்டு செல்லப்பட்டார்.

அங்கு மருத்துவர்கள் அவருக்கு முழுநேரமும் தீவிர சிகிச்சை அளித்து வருகின்றனர். இதையடுத்து, காலை முதல் பல்வேறு அரசியல் கட்சிகளின் தலைவர்களும், திரை பிரபலங்களும் காவேரி மருத்துவமனை சென்று, கருணாநிதி உடல்நலம் குறித்து விசாரித்து வருகின்றனர்.

இந்நிலையில், துணை முதல்வர் வெங்கையா நாயுடு தரமணியில் உள்ள சுவாமிநாதன் ஆராய்ச்சி நிறுவனத்தில் நடக்கும் நிகழ்ச்சி ஒன்றில் பங்கேற்க துணை நாளை சென்னை வருகிறார். இந்நிகழ்ச்சிக்குப் பின், துணை குடியரசுத் தலைவர் காவேரி மருத்துவமனைக்குச் சென்று கலைஞர் கருணாநிதியின் உடல்நிலை குறித்து அறிய உள்ளதாக தெரிவிக்கப்பட்டுள்ளது.