ஆச்சிக்கு அமெரிக்காவில் சாதக தீர்ப்பு

கலிபோர்னியா: ஆச்சி மசாலா நிறுவனத்துக்கு சாதகமாக அமெரிக்காவில் தீர்ப்பு வழங்கப்பட்டுள்ளது.

மசாலா மற்றும் உணவுப் பொருட்களை தயாரித்து விற்பனை செய்யும் ஆச்சி நிறுவனம் இந்தியாவின் முன்னணி நிறுவனமாகும். ஆச்சி நிறுவனமானது அமெரிக்கா உள்பட பல்வேறு வெளிநாடுகளிலும் தனது உணவுப் பொருட்களை விற்பனை செய்து வருகிறது.

தமிழகத்தை சேர்ந்த இந்த #AachiMasala நிறுவனமானது, கடந்த 1995-ஆம் ஆண்டே டிரேட் மார்க் உரிமத்தை பெற்றுவிட்டது. மேலும், ஆச்சி ஸ்பைசஸ் அண்ட் ஃபுட்ஸ் எனும் பெயரில் அமெரிக்காவில் கடந்த 2008-ஆம் ஆண்டில் அந்நிறுவனம் பதிவு செய்துள்ளது.

இந்நிலையில், கடந்த 2013-ஆம் ஆண்டு ஆச்சி ஆப்பக்கடை எனும் உணவகத்தை கலிபோர்னியாவில் ஒருவர் தொடங்கியுள்ளார். இவரை எதிர்த்து, அச்சி நிறுவனம் வழக்கு தொடர்ந்தது. இந்த வழக்கின் மீதான விசாரணை நடத்திய அந்நாட்டு நீதிமன்றத்தில் நடந்தது. அப்போது, ஆச்சி என்பது பொதுவான பெயர் என்றும், ஆச்சி எனும் பெயருடன் ஆப்பக்கடை சேர்ந்திருப்பதால் ஆச்சி மசாலாவுக்கும் இதற்கும் எந்த தொடர்பும் இல்லை என எதிர் தரப்பில் வாதம் முன் வைக்கப்பட்டது.

வழக்கை விசாரித்த அமெரிக்க நீதிமன்றம், ஆச்சி மசாலா நிறுவனத்துக்கு சாதகமாக தீர்ப்பு வழங்கியது.

Verdict favor for Aachi Spices in America #AachiMasala