பவானிசாகர் அணையின் நீர்மட்டம் 95.90 அடி உயர்வு!

ஈரோடு மாவட்டம் பவானிசாகர் அணையின் நீர்மட்டம் 95.90 அடியாக உயர்ந்துள்ளது. அணையிலிருந்து பாசனம் மற்றும் குடிநீர் தேவைக்காக 4070 கனஅடி நீர் வெளியேற்றப்படுகிறது.

ஈரோடு மாவட்டத்தின் முக்கிய நீராதாரமாக விளங்கும் பவானிசாகர் அணை 105 அடி உயரம், 32.8 டிஎம்சி கொள்ளளவு கொண்டதாகும். இந்த அணையின் மூலம் ஈரோடு, திருப்பூர் மற்றும் கரூர் மாவட்டங்களில் உள்ள 2 லட்சத்து 47 ஆயிரம் ஏக்கர் நிலங்கள் பாசன வசதி பெறுகின்றன.

இந்த ஆண்டு பருவ மழை எதிர்பார்த்த அளவு பெய்யாததால் அணைக்கு நீர்வரத்து குறைந்து அணையின் நீர் இருப்பு குடிநீர்த் தேவைக்கு மட்டுமே போதுமானதாக இருந்தது.

பெட்ரோல், டீசல் மீதான கலால் வரியை லிட்டருக்கு ரூ. 5 குறைக்க ராமதாஸ் வலியுறுத்தல்!

இந்நிலையில், கடந்த ஆகஸ்ட் மாதம் அணையின் நீர்ப்பிடிப்புப் பகுதிகளில் பரவலாக மழை பெய்ததால், பவானி ஆறு மற்றும் மாயாற்றில் நீர்வரத்து அதிகரித்து பவானிசாகர் அணைக்கு நீர் வரத்து அதிகரித்தது.

இதனைத் தொடர்ந்து, அணையில் இருந்து குடிநீர் தேவைக்காக பவானி ஆறு மற்றும் கீழ்பவானி வாய்க்காலில் தண்ணீர் திறந்து விடப்பட்டது. இதனிடையே நீர்பிடிப்பு பகுதிகளில் மழை குறைந்ததால், நீர்வரத்து குறைந்து அணையின் நீர்மட்டம் மளமளவென சரியத் தொடங்கியது.

எல்கேஜியில் யார் முதலிடம்? தனியார் பள்ளி வைத்த அடேங்கப்பா பேனர்!

இந்நிலையில், அணையின் நீர்பிடிப்பு பகுதியான நீலகிரி மலையில் நேற்று நள்ளிரவு பலத்த மழை பெய்தது. இதனால் பவானிசாகர் அணைக்கு நீர்வரத்து மீண்டும் அதிகரித்து உள்ளது.

இன்று காலை நிலவரப்படி அணைக்கு விநாடிக்கு 4070 கனஅடி தண்ணீர் வந்து கொண்டிருக்கிறது. அணையின் நீர்மட்டம் 95.90 அடியாகவும், நீர் இருப்பு 25.7 டிஎம்சி யாகவும் உள்ளது.

அணையிலிருந்து பாசனத்துக்காக தடப்பள்ளி அரக்கன் கோட்டை வாய்க்காலில் 650 கனஅடியும், காளிங்கராயன் வாய்க்காலுக்கு 500 கனஅடியும், கீழ்பவானி பிரதான கால்வாயில் 2300 கனஅடி வீதமும் நீர் வெளியேற்றப்படுகிறது

144 தடையை உடைத்து போலீசாரை அடித்து உதைத்த ரவுடிகள்!