மருத்துவமனையில் ஜெயலலிதா, சசிகலா உரையாடிய வீடியோ வெளியிடப்படும்: ஜெயானந்த் திவாகரன்

மறைந்த முதல்வர் ஜெயலலிதா மருத்துவமனையில் இருந்தபோது சசிகலாவுடன் உரையாடிய வீடியோ விரைவில் வெளியிடப்படும் என்று சசிகலாவின் சகோதரர் திவாகரனின் மகன் ஜெயானந்த் திவாகரன் தனது ஃபேஸ்புக்கில் பதிவு செய்துள்ளார்.

மறைந்த முதல்வர் ஜெயலலிதாவின் மரணத்தில் சந்தேகம் இருப்பதாகவும், இந்த மரணம் குறித்து விசாரணை நடத்த வேண்டும் என்று பல்வேறு தரப்புகளில் இருந்தும் கோரிக்கைகள் வைக்கப்பட்டு, நீதிமன்றங்களில் வழக்கு தொடரப்பட்டு வருகிறது. முன்னாள் முதல்வர் பன்னீர் செல்வமும், ஜெயலலிதா மரணத்தில் இருக்கும் மர்மத்தை மக்கள் அறிந்து கொள்ள விரும்புகின்றனர். அதை தீர்க்க வேண்டியது அரசின் கடமை, விசாரணை நடத்தப்படும் என்று தெரிவித்து வருகிறார்.

இந்த நிலையில், சசிகலாவின் சகோதரர் திவாரகனின் மகன் தனது பேஸ்புக்கில் இதற்கு விளக்கம் அளிக்கும் வகையில், கொலை பழி சுமத்தியும் அம்மா அவர்களின் சிகிச்சை படத்தை வெளியிடவில்லை.
காரணம் பச்சை கவுன் உடையில் அம்மா அவர்களின் எதிரிகள் அதை பார்க்கக் கூடாது என்பதே ஒரே காரணம்.
இது தியாகத் தலைவி சின்னம்மாவின் செயல்...
சிங்கத்தை நாங்கள் சிங்கமாகவே
பூ உலகை ஆளுவதற்கு ராஜ மரியாதையுடன் அனுப்பி வைத்தோம்
ஆனால், ஓபிஎஸ் கேவலம் ஓட்டுக்காக புரட்சித்தலைவி அம்மா அவர்களை பிணப் பெட்டியில் வைத்து தற்போது ஓட்டு கேட்கிறார்.
உண்மை வலிமையானது ஒரு நாள் புரட்சித் தலைவி அம்மா அவர்களும் தியாக தலைவி சின்னம்மா இருவரும் மருத்துவமனையில் நடத்திய உரையாடல்கள் வீடியோ வெளிவந்தால்...?
P.H. பாண்டியன்
மனோஜ் பாண்டியன்
ஓ. பன்னீர் செல்வம் இவர்களை என்ன செய்யலாம்...?
அந்த நாள் மிக விரைவில் ....என்று பதிவிட்டுள்ளார்.

இதை வைத்துப் பார்க்கும்போது, விரைவில் ஜெயானந்த் வீடியோவை வெளியிடுவார் என்று எதிர்பார்க்கப்படுகிறது. ஏன் இவ்வளவு தாமதம் என்ற கேள்வியும் எழுகிறது. கடந்த 7ஆம் தேதி இந்தப் பதிவை ஜெயானந்த் பதிந்துள்ளார். மருத்துவமனையில் ஜெயலலிதா இருந்த வீடியோவை ஏன் வெளியிடவில்லை என்ற கேள்வி எழுந்தபோது, அதிமுக தரப்பில் இருந்து எந்த பதிலும் இல்லை. சசிகலா தரப்பில் இருந்தும் எந்த பதிலும் இல்லை. தற்போது இந்தப் பதிவில் கூறியது போல் விரைவில் வீடியோவை ஜெயானந்த் வெளியிட வேண்டும் என்பது அனைவரின் விருப்பமும்.

we will release Jayalalithaa and Sasikala video taken in the hospital: Jeyanandh Dhivakaran