ஸ்டாலினின் தர்மபுரி கணக்கு: பழனியப்பனுக்கு புது அசைன்ட்மென்ட்!

நகர்ப்புற உள்ளாட்சித் தேர்தல் நெருங்கும் நிலையில் கட்சிகள் தேர்தல் பணிகளில் முழு வீச்சில் ஈடுபட்டு வருகின்றனர்.

சட்டமன்றத் தேர்தலில் திமுகவுக்கு மாநிலம் முழுவதும் பல இடங்களில் வெற்றி கிடைத்தாலும் குறிப்பிட்ட சில பகுதிகளில் வெற்றி எட்டாக்கனியாகிவிட்டது. கோவை மாவட்டத்தில் ஒரு தொகுதியில் கூட திமுக வெற்றி பெறாதது போலவே தர்மபுரி மாவட்டத்திலும் ஒரு தொகுதியில் கூட வெற்றி பெறவில்லை.

நகர்ப்புற உள்ளாட்சித் தேர்தலில் தர்மபுரி மாவட்டத்தில் உள்ள பத்து பேரூராட்சிகள், இரண்டு நகராட்சிகளை முழுவதும் திமுக கைப்பற்ற வியூகங்களை வகுத்து வருகிறது.
ரேஷன் பொருள்கள் இனி கட்? தமிழக அரசு எடுக்கும் அபாய முடிவு!
தர்மபுரியில் கட்சி பலவீனமாக இருப்பதாலேயே அமமுகவிலிருந்து பழனியப்பனை தூக்கிவந்தார் செந்தில் பாலாஜி. பழனியப்பனுக்கு இதுவரை பெரிய பொறுப்புகள் ஏதும் வழங்கப்படவில்லை என்றாலும் அவருக்கு அதிக முக்கியத்துவம் கொடுக்கப்பட்டு வருகிறது.

கோவையில் எம்.எல்.ஏக்கள் இல்லாத நிலையில் கரூர் மாவட்ட அமைச்சர் செந்தில் பாலாஜியை அதன் பொறுப்பாளராக ஸ்டாலின் நியமித்தார். அதே நிலைமைதான் தர்மபுரியிலும் என்பதால் கடலூர் மாவட்ட அமைச்சர் எம்.ஆர்.கே.பன்னீர் செல்வத்தை தர்ம்புரி பொறுப்பாளராக நியமித்தார்.

தேர்தல் நெருங்குவதால் தர்மபுரிக்கு கடந்த வாரம் விசிட் அடித்த எம்.ஆர்.கே. நிர்வாகிகளுக்கு முக்கிய உத்தரவுகளைப் பிறப்பித்துள்ளார்.
வேலூரில் நில அதிர்வு: அதிகாலை நிகழ்ந்த சம்பவம்!
எப்படியாகினும் இம்முறை பேரூராட்சி, நகராட்சி இடங்களை இங்கு முழுவதுமாக கைப்பற்றி கட்சியைப் பலப்படுத்துங்கள் என கூறியுள்ளார்.

தர்மபுரி மாவட்டத்தைப் பொறுத்தவரை வன்னியர் சமூக வாக்குகள் அதிகளவில் உள்ளன. பாமக கடந்த முறை அதிமுகவுடன் கூட்டணியில் இருந்ததால் திமுகவுக்கு வெற்றி கிடைக்கவில்லை. ஊரக உள்ளாட்சித் தேர்தலைப் போல் பாமக தனித்துப் போட்டியிட்டால் வாக்குகள் பிரிந்து திமுக வெற்றி பெற வாய்ப்புள்ளதாக கூறுகிறார்கள்.
மாணவர்களுக்கு இப்படியொரு சர்ப்ரைஸ்: வெளியான அறிவிப்பு!
அதுதவிர அதிமுக நிர்வாகிகள் சிலரை கட்சிக்குள் கொண்டு வரவேண்டும் என்று பழனியப்பனிடம் எம்.ஆர்.கே மூலமாக திமுக தலைமை கூறியுள்ளது. இந்நிலையில் அவரும் ஆள் பிடிக்கும் படலத்தை தொடங்கியுள்ளார். முக்கிய விக்கெட்டுகளை அவர் வீழ்த்தி நகர்ப்புற உள்ளாட்சித் தேர்தலில் திமுகவுக்கு குறிப்பிடத்தக்க வெற்றியை பெற்றுத் தந்துவிட்டால் தர்மபுரி மாவட்ட திமுக முகமாக பழனியப்பன் வருவதற்கு அதிக வாய்ப்புகள் உள்ளதாக கூறுகின்றனர்.