உங்களது யோகா ஸ்டைல் என்ன?

சர்வதேச யோகா தினம் இன்று அனுசரிக்கப்படுகிறது. யுஜ் என்னும் சமஸ்கிருத சொல்லில் இருந்த வந்த யோகா என்னும் சொல்லுக்கு, தனிப்பட்டவரின் நனைவு நிலை அல்லது ஆன்மா ஆகியவை மூல சக்தியுடன் இணைதல் என்று அர்த்தம்.

யோகா என்பது இந்தியாவின் 5000 ஆண்டு பழைமை வாய்ந்த உடல் சார்ந்த அறிவு. யோகா என்பதைப் பலர், உடல் வளைதல், திரும்புதல், நீட்டுதல், மூச்சினை எடுத்து விடுதல் என சிக்கலான உடற்பயிற்சி என்று நினைக்கக்கூடும், இவையனைத்தும், உள்ளிருக்கும் மனித மனதின் ஆன்மாவின் எல்லையற்ற சக்தியைத் திறந்து திறனை அதிகரிக்கும் ஆழமான அறிவியலைப் பற்றிய மேலோட்டமான கருத்துகள்.
யோகா என்பதே, தன்னுள் எப்படி வாழ வேண்டுமெனும் வாழ்க்கையின் சாரத்தைப் பொதிந்து வைத்திருக்கும் அறிவியலே ஆகும். உடற்பயிற்சி இல்லாமல் தொடர்ந்து அலுவலகத்தில் இருப்பவர்களுக்காக சிறிய அளவிலான உடல் அசைவுகளுடன் கூடிய யோகா டெஸ்க்டாப் யோகா எனப்படுகிறது.

தியானம் மற்றும் பிரணாயாமத்தை உள்ளக்கிய தாய் யோகாவும், ஒரு வாரம் விரதம் மேற்கொண்டு குண்டலினி கிரியா பயிற்சியும் டிடாக்ஸ் யோகாவும் உடல் தன்மையை அடுத்த நிலைக்கு கொண்டு செல்லும்.
உடல் வளைவுத் தன்மையை அதிகரிக்க பிராப் யோகாவும், கால் தரையில் படாமல், காற்றில் செய்யும் யோகாவிற்கு ஏரியல் யோகா என்றும் அழைக்கப்படுகிறது. உங்களுக்கான யோகாவில் நிலைத்து நின்று வாழ்வில் வளம் பெறுங்கள்.