தமிழ்நாட்டின் அடுத்த டிஜிபி யார்? ரேஸில் முந்தும் அதிகாரி இவர்தான்!

தமிழ்நாடு அரசில் தலைமை பதவிகளில் இருக்கும் இரு முக்கிய அதிகாரிகள் பணி ஓய்வு பெற உள்ள நிலையில் அந்த இடங்களுக்கு கடும் போட்டி நிலவுகிறது.

தலைமைச் செயலாளர் இறையன்பு பணி ஓய்வு பெற உள்ள நிலையில் அவரது இடத்தில் எந்த அதிகாரி அமரப்போகிறார் என்ற பட்டிமன்றம் கோட்டை வட்டாரங்களில் நடைபெறுகிறது. இது ஒருபுறமிருக்க தமிழ்நாடு டிஜிபி சைலேந்திர பாபுவின் பதவிக் காலம் ஜூன் மாதத்துடன் முடிவடைவதால் அவரது இடத்திற்கு நடைபெறும் போட்டி குறித்து முக்கிய தகவல்கள் வெளியாகி வருகின்றன.
ஆபரேஷன் காவேரி: சூடானிலிருந்து சொந்த ஊர் திரும்பிய தமிழர்கள்!
மூத்த ஐபிஎஸ் அதிகாரிகள் தங்களுக்கு நெருக்கமான சோர்ஸ்கள் மூலம் மத்தியிலும், மாநிலத்திலும் உச்ச பதவியில் உள்ளவர்களை அணுக முயற்சித்து வருகின்றனர்.

இந்த ரேஸில் யார் முன்னணியில் இருக்கிறார் என்பது குறித்து விசாரிக்கையில் முக்கிய தகவல்கள் கிடைக்கின்றன. சங்கர் ஜிவால், ஏ.கே.விஸ்வநாதன் மற்றும் பிகே ரவி ஆகிய மூன்று பேரிடையே போட்டி நிலவுவதாக சில மாதங்களுக்கு முன்னரே சொல்லப்பட்டது. இதில் சென்னை பெருநகர காவல்துறை ஆணையராக இருக்கும் சங்கர் ஜிவாலுக்கு வாய்ப்புகள் அதிகம் இருப்பதாக சொல்கிறார்கள்.

சங்கர் ஜிவால் டிஜிபியாக பதவியேற்றுக் கொண்டால் அவர் தற்போது வகிக்கும் சென்னை பெருநகர காவல் ஆணையர் பதவியை பிடிக்கவும் போட்டி எகிறுகிறது. உளவுத் துறை ஏடிஜிபி டேவிட்சன் ஆசீர்வாதம், தாம்பரம் காவல் ஆணையர் அமல்ராஜ், ஆவடி காவல் ஆணையர் சந்தீப் ராய் ரத்தோர் ஆகியோர் இந்த ரேஸில் நிற்கின்றனர்.
அமித் ஷாவிடம் எடப்பாடி வைத்த கோரிக்கைகள்: கூட்டணி தொடருமா, உடையுமா?
இந்த மூவரில் டேவிட்சன் ஆசிர்வாதத்துக்கு வாய்ப்பு அதிகம் என்கிறார்கள். இதனால் அவர் தற்போது வகிக்கும் பதவியை குறி வைத்தும் அதிகாரிகள் காய் நகர்த்த தொடங்கி விட்டனர்.