ஆப்நகரம்

"நீதிமன்றத்திற்கு எதற்கு மத்திய தொழிற்படை பாதுகாப்பு?”- நீதிபதி கேள்வி..!

எந்த அசம்பாவிதமும் நடக்காத போது, எதற்கு சென்னை உயர் நீதிமன்றத்திற்கு மத்திய தொழிற்படை பாதுகாப்பு? என சென்னை உயர் நீதிமன்ற நீதிபதி குலுவாடி ரமேஷ் கேள்வி எழுப்பியுள்ளனர்.

TNN 20 Mar 2017, 9:54 pm
எந்த அசம்பாவிதமும் நடக்காத போது, எதற்கு சென்னை உயர் நீதிமன்றத்திற்கு மத்திய தொழிற்படை பாதுகாப்பு? என சென்னை உயர் நீதிமன்ற நீதிபதி குலுவாடி ரமேஷ் கேள்வி எழுப்பியுள்ளனர்.
Samayam Tamil why should tn govt foot cisf security bill asks madras hc
"நீதிமன்றத்திற்கு எதற்கு மத்திய தொழிற்படை பாதுகாப்பு?”- நீதிபதி கேள்வி..!


சென்னை உயர்நீதிமன்றத்தின் 9 வழக்கறிஞர்கள் மீது விதிக்கப்பட்டுள்ள தடையை நீக்கக் கோரி, தொடரப்பட்டுள்ள வழக்கில் சென்னை உயர்நீதிமன்ற வழக்கறிஞர்கள் சங்கத்தின் முன்னாள் தலைவர் பால் கனகராஜ் இன்று ஆஜராகி வாதாடினார். அப்போது இந்த வழக்கை விசாரித்து வரும் நீதிபதி குலுவாடி ரமேஷ், “எதற்கு ஆண்டுக்கு 32 கோடி ரூபாய் செலவு செய்து தமிழக அரசு மத்தியப் தொழிற்படையை சென்னை உயர் நீதிமன்றத்தின் பாதுகாப்பிற்காக நிறுத்த வேண்டும்?” என கேள்வி எழுப்பினார்.

”நான் இந்த நீதிமன்றத்திற்கு வந்து ஒரு ஆண்டு நிறைவடையப் போகிறது. மத்திய பாதுகாப்பு படைகள் பாதுகாப்பு அளிக்கும் அளவிற்கு, இங்கு எந்த தீவிரவாத நடவடிக்கைகளும் நடைபெறவில்லை.நீதிமன்ற வளாகம் என்பது மக்களுக்கானது. அது ஒரு போர்க்களம் போல காட்சியளிக்க கூடாது.

ஒருவேளை நீதிமன்றத்திற்கு பாதுகாப்பு அளிப்பதில் மத்திய அரசு மிகவும் ஆர்வம் காட்டினால், மாநில அரசு எதற்கு பணம் செலுத்த வேண்டும்? ஒருவேளை இங்கு சட்டம்,ஒழுங்கு பிரச்சனை ஏற்பட்டால் அதனை மாநில காவல்துறையினர் பார்த்துக் கொள்வார்கள். இந்தியாவில் உள்ள அனைத்து நீதிமன்றங்களுக்கும், அந்தந்த மாநில போலிசார்தான் பாதுகாப்பு அளிக்கின்றனர்.” என நீதிபதி குலுவாடி ரமேஷ் தெரிவித்தார்.

அப்போது குறுக்கிட்ட துணை சொலிசிடர் ஜெனரல் ஸ்ரீனிவாசன், டெல்லி உயர் நீதிமன்றத்திற்கு மத்திய தொழில் பாதுகாப்புப் படை பாதுகாப்பு அளிப்பதாக தெரிவித்தார். இதற்கு பதிலளித்த நீதிபதி,” ஒருவேளை டெல்லி, பாகிஸ்தானுக்கு அருகில் இருப்பதால், அவர்கள் பாதுகாப்பு அளித்து வரலாம்.” என தெரிவித்தார்.

இதனைத் தொடர்ந்து வாதிட்ட வழக்கறிஞர் பால் கனகராஜ்,” கடந்த ஆண்டு பாதுகாப்புப் படை வீரர்களுக்கு சம்பளமாக 66 கோடி ரூபாயை தமிழக அரசு அளித்துள்ளது. அத்துடன் அவர்களுக்கு தேவையான உணவு,இருப்பிடம் ஆகிய வசதிகளுக்கும் தமிழக அரசுதான் செலவளிக்கிறது.” என தெரிவித்தார்.

இரு தரப்பு வாதங்களை கேட்ட நீதிபதி, மனுதாரரை இது குறித்து சுப்ரீம் கோர்ட்டை அணுக ஆலோசனை வழங்கினார். இந்த மனுவின் அடுத்த விசாரணையை ஜூன் மாதம் முதல் வாரத்திற்கு ஒத்தி வைத்து உத்தரவிட்டார்.

Why should TN govt foot CISF security bill, asks Madras HC

அடுத்த செய்தி