என்னது, ஓபிஆருக்கு அமைச்சர் பதவியா? மோடி முடிவு என்ன?

பிரதமர் மோடி தலைமையிலான அமைச்சரவையில் ஜூலை மாதம் பல்வேறு மாற்றங்கள் நடைபெறவுள்ளதாக சமீபத்தில் தகவல் வெளியானது. இந்நிலையில் அதிமுகவுக்கு அமைச்சரவையில் இடம் கிடைக்கும் என ஒரு தகவல் பரவிவருகிறது.

2019ஆம் ஆண்டு பதவியேற்றபின் அமைக்கப்பட்ட மோடி அமைச்சரவையில் பெரிய மாற்றங்கள் ஏதும் நிகழவில்லை. கொரோனா நெருக்கடி, பொருளாதார நெருக்கடி என மோடி அரசின் மீது பல்வேறு அதிருப்திகள் நிலவுகின்றன. கொரோனாவை கட்டுப்படுத்த ஒன்றிய அரசு தவறிவிட்டது என்ற குற்றச்சாட்டு உள்ளது.

இந்நிலையில் சுகாதாரத் துறை அமைச்சர் ஹர்ஷ்வர்தன் மாற்றப்பட வாய்ப்புள்ளதாக தகவல் வெளியாகிறது. அதே போல் பிரகாஷ் ஜவடேகர், பியூஸ் கோயல், ஹர்தீப் சிங் புரி போன்றவர்களிடம் இருக்கும் இரண்டுக்கும் மேற்பட்ட துறைகளை புதியவர்களுக்கு வழங்க வாய்ப்புள்ளதாக தெரிகிறது.
ஞாயிற்றுக் கிழமை காய்கறிக் கடைகள் திறப்பு: சூப்பர் அறிவிப்பு!காங்கிரஸ் கட்சியில் இருந்து வந்த ஜோதிராதித்ய சிந்தியா, அசாம் முதல்வர் பதவியை விட்டுக் கொடுத்த சர்பானந்த சோனாவால், பிகார் முன்னாள் துணை முதல்வர் சுஷில் மோடி உள்ளிட்ட 10 புதுமுகங்களுக்கு அமைச்சரவையில் இடம் கிடைக்கலாம் என்று எதிர்பார்க்கப்படுகிறது.

தமிழகத்தப் பொறுத்தவரை அதிமுக - பாஜக கூட்டணி தொடர்ந்து வருகிறது. மக்களவைத் தேர்தல், சட்டமன்றத் தேர்தல் ஆகியவற்றை இரு கட்சிகளும் இணைந்து சந்தித்தன. இரு தேர்தல்களிலும் இந்தக் கூட்டணி மக்களிடையே வரவேற்பு பெறாமல் போனது.

மக்களவைத் தேர்தலில் தேனி தொகுதியில் ஓ.பி.ரவீந்திரநாத் மட்டும் வெற்றி பெற்றார். எனவே அப்போதே ஓபிஆருக்கு அமைச்சரவையில் இடம் கிடைக்கும் என கூறப்பட்டது. ஆனால் பாஜக அப்போது அதிமுகவை கண்டுகொள்ளவில்லை. இருப்பினும் மாநிலங்களவையில் அதிமுகவின் துணையாலே முக்கிய சட்டங்களை பாஜகவால் நிறைவேற்ற முடிந்தது.
ரேஷன் அட்டைக்கு 2000 ரூ: அரசு இதையும் செய்யணும் - சூப்பர் கோரிக்கை!சட்டமன்றத் தேர்தல் முடிவில் அதிமுகவுக்கு எதிர்கட்சி அந்தஸ்து கிடைத்துள்ள நிலையில் பாஜகவுக்கும் 4 எம்எல்ஏக்கள் கிடைத்துள்ளனர். இது அதிமுகவுடனான கூட்டணியாலே சாத்தியமானது என்பது பாஜகவுக்கும் தெரியும். இந்நிலையில் அமைச்சரவையில் அதிமுகவுக்கு இந்தமுறை இடம் கிடைக்கும் என்று கூறப்படுகிறது.

ஆனாலும் பாஜக இந்த அமைச்சரவை மாற்றத்தை பஞ்சாப், உத்தரப் பிரதேசம், குஜராத் ஆகிய மாநிலங்களின் சட்டமன்றத் தேர்தலை மனதில் கொண்டே நடத்துவதாகவும் ஒரு கருத்து உள்ளது. எனவே அந்த மாநிலங்களைச் சேர்ந்தவர்களுக்கு முன்னுரிமை அளிக்க வாய்ப்புள்ளதாகவும் கூறப்படுகிறது.
மே 7 வரை நீங்க தான் முதல்வர், மறந்துட்டீங்களா? எடப்பாடிக்கு செம பதிலடி!
ஒருவேளை அதிமுகவுக்கு மத்திய அமைச்சரவையில் இடம் ஒதுக்கினால் அது ஓ.பி.ரவீந்திரநாத்துக்கு தான் என அக்கட்சியிலிருந்து வரும் தகவல்கள் தெரிவிக்கின்றன. அதேசமயம் மாநிலங்களவை உறுப்பினர் தம்பிதுரை பெயரும் இதில் அடிபடுகிறது.

வழக்கம் போல் பாஜக இந்த விவாகரத்தில் அதிமுகவை தள்ளிவைக்குமா அல்லது வாய்ப்பு வழங்குமா என்பது விரைவில் தெரியவரும்.