"இன்று தமிழக பட்ஜெட் தாக்கலாகிறது": அமளியில் ஈடுபடுமா திமுக..?

இன்று தமிழக பட்ஜெட் தாக்கல் செய்யப்பட உள்ள நிலையில், சட்டமன்றத்தில் திமுக அமளியில் ஈடுபட வாய்ப்புள்ளதாக கூறப்படுகிறது.

தமிழக முதல்வர் ஜெயலலிதாவின் மறைவுக்கு பிறகு, எடப்பாடி பழனிச்சாமி தலைமையிலான தமிழக அரசு இன்று தனது முதல் பட்ஜெட்டை தாக்கல் செய்ய உள்ளது. சமீபத்தில் நிதி அமைச்சராக நியமிக்கப்பட்ட ஜெயக்குமார் தாக்கல் செய்ய உள்ள முதல் பட்ஜெட் இதுவாகும்.

ஏற்கனவே தமிழகத்தில் மீனவர் பிரச்சனை, தண்ணீர் தட்டுப்பாடு, நீட் தேர்வு, ஹைட்ரோ கார்பன் பிரச்சனை, ரேஷன் கடைகளில் போதுமான பொருட்கள் இல்லாதது போன்ற பல்வேறு பிரச்சனைகளை சட்டமன்றத்தில் எழுப்ப திமுக திட்டமிட்டுள்ளதாக தெரிகிறது.இது தவிர சட்டமன்ற சபாநாயகர் மீது நம்பிக்கை இல்லா தீர்மானம் கொண்டு வரவும் திமுக திட்டமிட்டுள்ளது.

பட்ஜெட் தாக்கல் செய்யப்பட்டவுடன், இன்றைய சட்டமன்ற அலுவல்கள் நிறைவடைந்துவிடும் என்பதால் பட்ஜெட் வாசிக்கப்படும் போதே திமுக இந்த பிரச்சனைகளை எழுப்பும் என தெரிகிறது.இதனால் சட்டமன்றத்தில் அமளி ஏற்படவும் வாய்ப்புள்ளதாக கூறப்படுகிறது.

Will Dmk uproar in Tamilnadu Assembly Today?