ஆப்நகரம்

இதயம் ரொம்ப முக்கியம்ங்க... உலக இதய தினம் இன்று

​கருவில் உருவாகும் உயிருக்கு, முதலில் உருவாவது இதயம் மட்டும்தான் பிறகு அண்டப் பகுதியின் பிண்டப்பகுதியெல்லாம்.

Samayam Tamil 29 Sep 2019, 7:33 am
மனிதன் இயங்குவதற்கும் , இயக்குவதற்கும் மூளை காரணமாக இருக்கலாம். ஆனால், அவனை மனிதன் என்று சொல்வதற்கு அவனது இதயம் இயங்கிக்கொண்டிருக்க வேண்டும். உடலின் எல்லா உறுப்புகளும் தோன்றும் முன்பு தோன்றக்கூடிய முதல் உறுப்பும் இதயம் தான்.
Samayam Tamil heart


கருவில் உருவாகும் உயிருக்கு, முதலில் உருவாவது இதயம் மட்டும்தான் பிறகு அண்டப் பகுதியின் பிண்டப்பகுதியெல்லாம்.

உலகில் ஏற்படும் மரணங்களில் 31% இதயம் சார்ந்த பிரச்சினகளால்தான் நடைபெறுகிறது என்று உலக சுகாதார நிறுவனத்தின் அண்மைக்கால அறிக்கை தெரிவிக்கிறது.
புகையிலை மற்றும் மது ஆகியவை இதற்கு முதல் காரணிகளாகவும், ஆபத்தான காரணிகளாகவும் விளங்குகின்றன. மேலும், ஒழுங்கற்ற உணவுமுறை, உடற்பயிற்சியின்மை ஆகியவையும் இதயக்கோளாறுகளுக்கு காரணமாக விளங்குகின்றன.

இதய ஆரோக்கியம் குறித்து விழிப்புணர்வு ஏற்படுத்தவும், இதயக்கோளாற்களால் நடைபெறும் மரணங்களை தடுக்கவும் கடந்த 2000 ஆம் ஆண்டு முதல், செப்டம்பர் 29 ஆம் தேதி உலக இதய தினமாக கடைபிடிக்கபப்டுகிறது. ஒவ்வொரு ஆண்டும் ஒவ்வொரு தலைப்பை மையமாகக்கொண்டு நிகழ்ச்சிகள் நடைபெறுவதைப் போலவே, இந்த ஆண்டு இதயத்துக்கு ஒரு சத்தியம் என்ற தலைப்பில் விழிப்புணர்வு நிகழ்ச்சிகள் நடத்தப்படவிருக்கின்றன.

அதாவது, இனிமேல் ஆரோக்கியமான உணவு , உடற்பயிற்சி உள்ளிட்டவைகளை மேற்கொண்டு இதயத்தை பாதுகாப்பேன் என உறுதியேற்கும் சத்தியம் உள்ளிட்ட ஆறு சத்தியங்களை உலக இதய நிறுவனம் (world Heart Organisation ) வகுத்துள்ளது.

மேலும் தற்போது 17.9 மில்லியனாக இருக்கும் இறப்புகள் 2030க்குள் 23 மில்லியனாக வாய்ய்புகள் உண்டு என்றும் தெரிவிக்கப்பட்டுள்ளது.

அதனால, நீங்களும் சத்தியம் எடுத்துக்குங்க... இதயம், எல்லாவற்றையும் விட முக்கியமானது. உடலியல் ரீதியாகவும் சரி, உளவியல் ரீதியாகவும் சரி...பத்திரமா பாத்துக்குங்க...

அடுத்த செய்தி