சாகும் வரை உண்ணாவிரதம் : யுவராஜ் அறிவிப்பு

சேலம் : கோகுல்ராஜ் கொலை வழக்கில் கைது செய்யப்பட்ட யுவராஜ் சாகும் வரை உண்ணாவிரதம் இருப்பதாக கடிதம் மூலம் அறிவித்துள்ளார்.

சேலம் மாவட்டம் ஓமலூரைச் சேர்ந்த பொறியியல் பட்டதாரி கோகுல்ராஜ், நாமக்கல் அருகே உள்ள ரயில்வே தண்டவாளத்தில் சடலமாக கிடந்தார். இந்த வழக்கு தொடர்பாக, தீரன் சின்னமலைக்கவுண்டர் பேரவை நிறுவனர் யுவராஜ் தேடப்பட்டு , பின்னர் கடந்த அக்டோபர் 11-ந்தேதி நாமக்கல் சிபிசிஐடி அலுவலகத்தில் சரணடைந்தார்.இதனைத தொடர்ந்து வேலூர் மத்திய சிறையில் அவர் அடைக்கப்பட்டார்.

இந்நிலையில் , திருச்செங்கோடு டி.எஸ்.பியாக இருந்த விஷ்ணுபிரியாவின் மரணத்திற்கு காரணமானவர்கள் மீது இதுவரை நடவடிக்கை எடுக்கப்படவில்லை என்றும், தன் மீது பொய் வழக்குகள் புனைந்திருப்பதாகவும் கூறி இன்று முதல் சாகும் வரை உண்ணாவிரதம் மேற்கொள்ள இருப்பதாக கடிதம் மூலம் அவர் தெரிவித்துள்ளார்.