குத்தாட்டம் போட்ட அரசு ஊழியர்கள்... வைரலாகும் வீடியோ!

தேனி மருத்துவக் கல்லூரி செவிலியர்கள் கண்காணிப்பாளர் அலுவலகத்தில், சக ஊழியர்களுடன் சினிமா பாடலுக்கு நடனமாடும் வீடியோ சமூக வலைதளங்களில் வைரலாகி வருகிறது. தேனி மாவட்டம் ஆண்டிபட்டி அருகே கானா விலக்கு பகுதியில் தேனி அரசு மருத்துவக்கல்லூரி மருத்துவமனை செயல்பட்டு வருகிறது.

இங்கு 500 க்கும் மேற்பட்டோர் உள்நோயாளிகளாக அனுமதிக்கப்பட்டு சிகிச்சை அளிக்கப்பட்டு வருகிறது. தேனி மாவட்டத்தின் பல்வேறு பகுதிகளைச் சேர்ந்த ஆயிரக்கணக்கானோர் நாள்தோறும் புறநோயாளிகளாக சிகிச்சை பெற்று வருகின்றனர்.


இங்கு 170 க்கு மேற்பட்ட மருத்துவர்கள் 400 க்கு மேற்பட்ட செவிலியர்கள், தூய்மைப் பணியாளர்கள் என ஆயிரத்திற்கு மேற்பட்டோர் பணிபுரிந்து வருகின்றனர்.

கணவனை மீட்டுத்தர கோரிக்கை வைக்கும் ஆசிரியர்…குழந்தையுடன் தவிக்கும் அவலம்!

இந்நிலையில் மருத்துவமனையின் கண்காணிப்பாளர் அலுவலகத்தில் பணியின் போது சினிமா பாடலுக்கு மருத்துவமனை செவிலியர்கள் மற்றும் பணியாளர்கள் ஒன்றாக நடனம் ஆடும் வீடியோ ஒன்று வெளியாகி பரபரப்பை ஏற்படுத்தியுள்ளது. அந்த வீடியோ தற்போது சமூக வலைதளங்களில் அதிகமாக பகிரப்பட்டு, வைரலாகி வருகிறது.