திமுகவை ஆதரிக்கும் ஓபிஎஸ்... மாஜி அமைச்சர் ஆவேசம்!

அதிமுகவை எதிர்த்து தோற்கடித்து ஆட்சிக்கு வந்த திமுகவை எடப்பாடியார் எதிர்க்கிறார். ஓபிஎஸ் மறைமுகமாக திமுகவை ஆதரிக்கிறார். இதற்குதான் அதிமுக தொண்டர்கள் கோபப்படுகிறார்கள் என கூத்தாநல்லூர் அதிமுக செயல் வீரர்கள் கூட்டத்தில் முன்னாள் அமைச்சர் காமராஜ் ஆவேசமாக பேசினார். திருவாரூர் மாவட்டம் மன்னார்குடி மற்றும் கூத்தாநல்லூரில் அனைத்திந்திய அண்ணா திராவிட முன்னேற்றக் கழகத்தின் கிழக்கு மற்றும் மேற்கு ஒன்றிய, நகர கழகத்தின் சார்பில் செயல் வீரர்கள், வீராங்கனைகள் ஆலோசனை கூட்டம் மன்னார்குடி மற்றும் கூத்தாநல்லூரில் நடைபெற்றது. கூட்டத்தில் திருவாரூர் மாவட்ட செயலாளரும் கழக அமைப்பு செயலாளர் ஆர். காமராஜ் கலந்து கொண்டு சிறப்புரையாற்றினார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்நிகழ்ச்சியில் முன்னாள் பாராளுமன்ற உறுப்பினர் கோபால் கழக அமைப்பு செயலாளர் சிவராஜாமாணிக்கம், ஒன்றிய பெருந்தலைவர் மனோகரன், ஒன்றிய செயலாளர்கள் மேற்கு தமிழ்ச்செல்வம், கிழக்கு தமிழ்கண்ணன் மாவட்ட அம்மா பேரவை செயலாளர் பொன்வாசுகிராம் நகர கழக செயலாளர் ஆர். ஜி. குமார், கூத்தநல்லூர் நகர செயலாளர் இராஜசேகர் உள்ளிட்ட மாவட்ட ஒன்றிய நகர நிர்வாகிகள் மற்றும் தகவல் தொழில்நுட்ப அணியினர் பலர் கலந்து கொண்டனர்.

கோவிலுக்கு வந்த சிறுமியை கேலி செய்த இளைஞர்கள்; அடிதடியில் இறங்கிய கிராமம்.. சீர்காழியில் பரபரப்பு!

இக்கூட்டத்தில் இறுதியாக பேசிய அமைச்சர் காமராஜ் அண்ணா திமுகாவிற்கு தேய்மானம் இருக்கிறது என்று யாராலும் சொல்லமுடியுமா?, அதிமுக வளர்பிறை, வளர்ந்து கொண்டே இருக்க கூடிய இயக்கம் அதிமுக . அதிமுகவை எதிர்த்து தோற்கடித்து ஆட்சிக்கு வந்த திமுகவை எடப்பாடியார் எதிர்க்கிறார். ஓபிஎஸ் மறைமுகமாக திமுகவை ஆதரிக்கிறார். இதற்குதான் அதிமுக தொண்டர்கள் கோபப்படுகிறார்கள். இந்த கோபத்தை நியாயம் இல்லை என்று யாராலும் சொல்லமுடியுமா?. புரட்சி தலைவர் எம்ஜிஆர், அம்மா இவர்களின் ஆவி மதிக்குமா?" இவ்வாறு தெரிவித்தார்.