ஆப்நகரம்

வண்டி கண்டிஷனா இருக்கா? அரசு பேருந்துகளை சரிபார்க்கும் ஓட்டுநர்கள்!

அரசு பேருந்துகள் நாளை முதல் இயக்கப்படவுள்ள நிலையில், தூத்துக்குடியில் அதற்கான ஏற்பாடுகள் தீவிரப்படுத்தப்பட்டுள்ளன

Samayam Tamil 31 May 2020, 7:39 pm
தமிழகத்தில் நாளை முதல் பல்வேறு தளர்வுகளுடன் ஊரடங்கு அமல்படுத்தப்படும் என்று மாநில அரசு தெரிவித்துள்ளது. இதுதொடர்பாக முதலமைச்சர் பழனிசாமி வெளியிட்டுள்ள செய்திக்குறிப்பில், பொது பேருந்து போக்குவரத்தை நாளை முதல் செயல்படுத்தும் பொருட்டு மொத்த மாவட்டங்கள் 8 மண்டலங்களாக பிரிக்கப்பட்டுள்ளதாக தெரிவிக்கப்பட்டுள்ளது.

இந்த மண்டலங்களுக்குள் அனைத்து வகையான வாகனங்களும் இயங்க அனுமதிக்கப்பட்டுள்ளது. அதில் பயணிக்க இ-பாஸ் தேவையில்லை. அதேபோல், பொது போக்குவரத்து பேருந்துகளில் பயணிக்கவும் இ-பாஸ் அவசியமில்லை. ஆனால், மண்டலங்களுக்கு இடையேயும், மாநிலங்களுக்கிடையேயுமான பயணத்துக்கு இ-பாஸ் கட்டாயம். எனினும், மண்டலங்களுக்கு இடையேயும், மாநிலங்களுக்கிடையேயுமான பேருந்து போக்குவரத்து சேவைகளுக்கான தடை தொடர்வதாக தெரிவிக்கப்பட்டுள்ளது.

பேருந்துகளில் உள்ள மொத்த இருக்கையில் 60 சதவீத இருக்கைகளில் மட்டுமே பயணிகள் அமர்ந்து பயணிக்க வேண்டும், முகக்கவசம் கட்டாயம் அணிந்திருக்க வேண்டும். பேருந்துகளை முறையாக கிருமி நாசம் செய்ய வேண்டும் என்பன உள்ளிட்ட கட்டுப்பாடுகளும் விதிக்கப்பட்டுள்ளது.

தமிழகத்தில் ஒரே நாளில் 1,000 பேருக்கு மேல் கொரோனா பாதிப்பு!

இந்த நிலையில், தூத்துக்குடியில் இருந்து நெல்லை, தென்காசி, கன்னியாகுமரி உள்ளிட்ட பகுதிகளுக்கு அரசு பேருந்துகளை இயக்க முடிவு செய்யப்பட்டுள்ளது. அதன்படி, அதன்படி அரசு பேருந்துகள் நாளை காலை முதல் இயக்குவதற்காக தற்போது அரசு பேருந்து ஓட்டுனர்கள் தங்கள் பேருந்துகளை சரிபார்க்கும் பணியில் ஈடுபட்டுள்ளனர். மேலும் கிருமி நாசினி மருந்து தெளிக்கப்பட்டு 50 சதவீத பயணிகள் மட்டுமே பேருந்துகளில் ஏற்றப்படுவார்கள் எனவும் ஓட்டுநர்கள் தெரிவித்துள்ளனர்

அடுத்த செய்தி