திமுக மாவட்ட செயலாளரை விடாமல் கண்டித்துவரும் அதிமுகவினர்!

திருச்சி வடக்கு மாவட்ட திமுக செயலாளராக இருப்பவர் காடுவெட்டி தியாகராஜன். இவர் பேசியதாக அண்மையில் ஆடியோ ஒன்று வெளியானது. அதில் குறிப்பிட்ட ஒரு சமுதாயத்தை மட்டும் அவர் தரக்குறைவாக பேசுவது போல் இருந்தது.

தமிழக அளவில் பரபரப்பை ஏற்படுத்தியுள்ள இந்த ஆடியோ விவகாரம் தொடர்பாக அலர் மீது போலீஸார் பல்வேறு பிரிவுகளின்கீ்ழ் ஆறு வழக்குகளை பதிவு செய்துள்ளனர்.

அவர் மீது போலீசார் வழக்குப் பதிவு செய்தபின்பும், அதிமுக சார்பில் தியாகராஜனை கண்டித்து திருச்சி மாநகரின் பல்வேறு பகுதிகளில் இன்று கண்டன ஆர்ப்பாட்டம் நடைபெற்றது.

Audio leaked: திருச்சி திமுக மாவட்ட செயலாளர் மீது வழக்கு… ஏன்?

இதன் காரணமாக, வார நாளான திங்கள்கிழமை நகரின் முக்கிய சாலைகளில் போக்குவரத்து நெரிசல் ஏற்பட்டு, அதன் விளைவாக பொதுமக்கள் மிகுந்த சிரமத்துக்கு ஆளாகினர்.

தமிழக சட்டப்பேரவைத் தேர்தல் நெருங்குவதால் அதிமுக இந்தப் பிரச்சினையை தமக்கு சாதகமாக பயன்படுத்தி வருகிறதா என்ற கேள்வி பரவலாக எழுந்துள்ளது.