பெரியப்பா பத்தி எனக்கு தெரியாது...உதயநிதி ஸ்டாலின்!

திமுக இளைஞரணி செயலாளர் உதயநிதி ஸ்டாலின், தமது இரண்டாம் கட்ட பிரசாரத்தை திருச்சியில் தொடங்கியுள்ளார்.
மறைந்த முன்னாள் முதல்வர் கருணாநிதி ஹிந்தி எதிர்ப்புக்காக ரயில் தண்டவாளத்தில் தலைவைத்து படுத்த கல்லக்குடி ரயில் நிலையத்தில் இருந்து தனது பிரசாரத்தை அவர் துவங்கியுள்ளார்.

முன்னதாக அவர் செய்தியாளர்களிடம் பேசியது:

எனது தாத்தா (கருணாநிதி) ஹிந்தியை எதிர்த்து போராட்டம் நடத்திய கல்லக்குடி ரயில்வே நிலையத்தை முதல்முறையாக பார்வையிடுகிறேன்.

மகிழ்ச்சியாக இருக்கிறது. தமிழகத்தில் இன்னும் இந்தி திணிப்பு தொடர்கிறது. இந்திக்கு நாங்கள் எதிரி அல்ல. இந்தி திணிப்புக்கு தான் எதிரி. பெரியப்பா (முக அழகிரி) குறித்த செய்திகள் எனக்கு தெரியாது. நான் அந்த செய்தியை பார்க்கவில்லை.

ஸ்கூலை திறக்கலாமா, வேண்டாமா? - பெற்றோரிடம் கருத்துக் கேட்பு!

பாஜகவின் ஹிந்தி திணிப்பை தமிழக மக்கள் ஒருபோதும் அனுமதிக்கமாட்டார்கள் என்று உதயநிதி ஸ்டாலின் கூறினார்.

அழகிரி தனிக்கட்சி தொடங்குவது பற்றி செய்தியாளர்களின் கேள்விக்கு, 'என் பெரியப்பா பற்றி எனக்கு தெரியாது' என்றார் உதயநிதி ஸ்டாலின்.