திருச்சியில் மே 1 மதுபான கடைகள் இயங்காது! - மாவட்ட ஆட்சியர் உத்தரவு

உழைப்பாளர்கள் தினம்ஆண்டு தோறும் மே 1 ஆம் தேதி உழைப்பாளர்கள் தினம் நாடு முழுவதும் கொண்டாடப்பட்டு வருகிறது. அதன்படி இந்த ஆண்டு வருகிற திங்கட்கிழமை அன்று உழைப்பாளர் தினம் அனுசரிக்கப்பட உள்ளது.
இந்த நிலையில் திருச்சியில் மே 1 மதுபான கடைகள் இயங்காது என அறிவிக்கப்பட்டுள்ளது.

மதுபான கடைகள் மூடல்

2023 ஆம் ஆண்டு மே 1 திங்கட்கிழமை மே தினத்தினை முன்னிட்டு அன்றைய தினம் மதுபான சில்லறை விற்பனைக் கடைகள் மற்றும் அதனுடன் இணைந்து இயங்கும் மதுக்கூடங்கள் FL1/FL2/FL3/FL3A/FL3AA & FL 11 அனைத்தும் மூடப்படும் என மாவட்ட ஆட்சித்தலைவர் பிரதீப் குமார் தகவல் தெரிவித்துள்ளார்.

மாவட்ட ஆட்சியரின் அறிவிப்பு

இது குறித்து அவர் வெளியிட்டுள்ள செய்தி குறிப்பில் தெரிவித்துள்ளதாவது: மே தினத்தினை (திங்கட்கிழமை) முன்னிட்டு அன்றைய தினம் திருச்சிராப்பள்ளி மாவட்டத்தில் உள்ள அனைத்து மதுபான சில்லறை விற்பனைக் கடைகளும் மூடப்பட்டிருக்கும்.
திருச்சி பாஜக துணை தலைவருக்கு கொலை மிரட்டல் - மாநகர காவல் ஆணையரிடம் புகார்!
பார்கள் மூடல்

அதனுடன் இணைந்து இயங்கும் மதுக் கூடங்கள் மற்றும் FL2/FL3/FL3A/FL3AA & FL11 வரையிலான ஹோட்டல் பார்களிலும் மதுபானம் விற்பனை இன்றி மூடப்பட்டிருக்கும்.

கடுமையான நடவடிக்கை

மேலும், அன்றைய தினங்களில் மதுபானங்களை விற்பனை செய்வதையும், வேறு இடங்களுக்கு கொண்டு செல்வதையும் தவிர்க்க வேண்டும். மீறினால் கடுமையான நடவடிக்கை எடுக்கப்படும் எனவும் தெரிவிக்கப்பட்டுள்ளது.