300 ஏக்கரில் திமுக 11ஆவது மாநாடு: தயாராகிறது திருச்சி!

திருச்சி மாவட்டம் சிறுகனூரில் திமுகவின் 11ஆவது மாநில மாநாடு நடைபெற உள்ளது. இதற்கான பணிகளை திமுக முதன்மை செயலாளர் கே. என் நேரு இன்று தொடங்கி வைத்துப் பார்வையிட்டார்.

அவருடன் திமுக நிர்வாகிகள் பலர் கலந்து கொண்டனர். இது குறித்து செய்தியாளர்களிடம் கே. என் நேரு கூறுகையில், “2014ஆம் ஆண்டுக்குப் பிறகு தமிழகத்தின் மத்திய பகுதியான திருச்சியில் 11ஆவது மாநில மாநாடு நடைபெற இடம் தேர்வு செய்யப்பட்டிருக்கிறது.

திருச்சி–சென்னை ரோட்டில் சிறுகனூர் பகுதியில் 300 ஏக்கரில் இடம் தேர்வு செய்யப்பட்டுள்ளது. இந்நிலையில் திமுக மாநாடு நடக்கவுள்ள இடத்தை பார்வையிட திமுக தலைவர் மு. க ஸ்டாலின் நாளை திருச்சி வர வாய்ப்பு உள்ளதாகத் தகவல்கள் கூறுகின்றன” என்றார்.

அதிமுக கூட்டணியில் அதிக தொகுதிகள் வேணும்... அடம்பிடிக்கும் தேமுதிக!

இதற்கிடையே மாநாடு நடக்கவுள்ள பகுதியில் ஜேசிபியை கொண்டு சமப்படுத்தும் பணிகள் உள்ளிட்டவை மேற்கொள்ளப்பட்டு வருகின்றன. ஏராளமான திமுக நிர்வாகிகள் மாநாடு நடக்கவுள்ள இடத்தில் முகாமிட்டு, பணிகளை மேற்பார்வையிட்டு வருகின்றனர்.