52 வினாடிகளில் 192 ஓடுகளை உடைத்து பெல் ஊழியர் உலக சாதனை

திருச்சி பெல் நிறுவனத்தில் பணியாற்றும் ஊழியரும், கராத்தே பயிற்சி ஆசிரியருமான செல்வராஜ் என்பவர் பொதுமக்களுக்கு விழிப்புணர்வு ஏற்படுத்தும் வகையில் திருச்சி பெல் நிறுவன வளாகத்தில் உள்ள ஜவஹர்லால் நேரு விளையாட்டு மைதானத்தில் 52 வினாடிகளில் 192 ஓடுகளை பெல் ஊழியர் செல்வராஜ் தனது நெற்றியில் உடைத்து புதிய உலக சாதனையினை படைத்தார்.

இந்த சாதனைக்கு முன்னதாக ஒரு நிமிடத்தில் 152 ஓட்டுகள் உடைத்ததே இந்நாள் வரை உலக சாதனையாக இருந்து வந்த நிலையில் இன்று சாதனை புத்தக நிறுவனர், பார்வையாளர்கள் மற்றும் பெல் நிறுவன உயர்அதிகாரிகள் முன்னிலையில் நிகழ்த்தப்பட்ட இந்த சாதனையானது அங்கீகரிக்கப்பட்டு சோழன் உலக சாதனை புத்தகத்தில் புதிய உலக சாதனை இடம்பெற்றதுடன் சாதனை நிகழ்த்திய செல்வராஜுக்கு பதக்கம் வழங்கி சாதனைக்கான சான்றிதழ்களையும் வழங்கி பாராட்டுத் தெரிவித்தனர்.

மேலும் பெல் ஊழியரான செல்வராஜ் கூறுகையில், “இருசக்கர வாகன ஓட்டிகள் தலைக்கவசம் அணிந்து கார் ஓட்டுநர்கள் சீட் பெல்ட் அணிந்து பாதுகாப்புடனும் சாலை விதிகளை மதித்து போற்ற வேண்டும் என்பதை வலியுறுத்தி வருகிறேன்.

அரசியலில் இறங்கும் சகாயம் ஐ.ஏ.எஸ்.!

பொதுமக்களுக்கு விழிப்புணர்வு ஏற்படுத்தும் விதமாக இந்த சாதனை நிகழ்த்திய உள்ளேன். அதே போல் ஒரு நிமிடத்தில் 300 ஓடுகளை உடைப்பதே அடுத்த இலக்கு என்றும், கராத்தே மூலம் உடல் வலிமையும் மனதைரியமும் கிடைக்கப் பெற்றதாகவும்” சாதனையாளர் செல்வராஜ் தெரிவித்தார்.