வைகுண்ட ஏகாதசி...ரங்கநாதரின் ஐந்தாம் நாள் அசத்தல் கெட்டப்!

108 திவ்ய திருத்தலங்களில் முதன்மையானதும், பூலோக வைகுண்டம் என பக்தர்களால் போற்றப்படும் ஸ்ரீரங்கம் ரெங்கநாதர் கோவிலில் வைகுண்ட ஏகாதசி விமரிசையாக நடைபெற்று வருகிறது.

திருவிழாவில் பகல் பத்து வைபவத்தின் ஐந்தாம் நாளான இன்று நம்பெருமாள் காலை 6.30 மணிக்கு மூலஸ்தானத்தில் இருந்து கவிரிமான் தொப்பாரை கொண்டை , விமான பதக்கம், இரத்தின அபயஹஸ்தம் , இரத்தினலிங்க தோளா, முச்துச்சரம் , பவளமாலை ,காசு மாலை அலங்காரத்தில் புறப்பட்டு 7.00 மணிக்கு அர்ச்சுன மண்டபத்தை வந்தடைந்தார்.

பின்னர் அங்கு ஆயிரக்கணக்கான பக்தர்கள் 'ரெங்கா ரெங்கா' என பக்தி கோஷமிட்டனர். இதனையடுத்து இரவு 9 மணிக்கு அர்ச்சுன மண்டபத்தில் இருந்து புறப்படும் நம்பெருமாள் இரவு 10 மணிக்கு மூலஸ்தானம் சென்றடைவார்.