தேசிய வாக்காளர் தினம்: நெல்லையில் கல்லூரி மாணவர்கள் பேரணி!

13ஆவது தேசிய வாக்காளர் தினத்தை முன்னிட்டு கல்லூரி மாணவ, மாணவிகள் பாரம்பரிய விளையாட்டுக்களுடன் கலந்து கொண்ட விழிப்புணர்வு பேரணி நெல்லையில் நடைபெற்றது.

13ஆவது தேசிய வாக்காளர் தினம் ஜனவரி 25ஆம் தேதியான இன்று அனுசரிக்கப்படுகிறது.

இதனை முன்னிட்டு நாடு முழுவதும் பல்வேறு விழிப்புணர்வு நிகழ்ச்சிகள் நடத்தப்பட்டு வருகிறது. வாக்களிப்பதே சிறந்தது, நிச்சயம் வாக்களிப்பேன் என்ற வாசகத்தை முன்னிறுத்தி இந்த ஆண்டு விழிப்புணர்வு நிகழ்ச்சி நடத்தப்பட்டு வருகிறது.
டிடிவி தினகரன் எதிர்பார்ப்பு என்ன? ஈரோட்டை வலம் வரும் குக்கர்!
அதன்படி நெல்லை மாவட்ட ஆட்சியர் அலுவலகத்தில் கல்லூரி மாணவ, மாணவிகள் மகளிர் சுய உதவிக் குழுவினர் கலந்து கொண்ட விழிப்புணர்வு நிகழ்வுகள் நடத்தப்பட்டது. வாக்களிப்பது உரிமை என்பது தொடர்பான விழிப்புணர்வு கோலப்போட்டியில் மகளிர் சுய உதவி குழு உறுப்பினர்கள் கலந்துகொண்டு பலவிதமான ரங்கோலி கோலங்களை வரைந்தனர்.

இதனைத் தொடர்ந்து கல்லூரி மாணவிகள் சிலம்பம் உள்ளிட்ட பாரம்பரிய விளையாட்டுகளை ஆடி வாக்களிப்பதன் அவசியத்தை பொதுமக்களுக்கு எடுத்துரைத்தனர்.

இதனை தொடர்ந்து கல்லூரி மாணவ, மாணவிகள் கலந்து கொண்ட பேரணியை நெல்லை மாவட்ட பயிற்சி உதவி ஆட்சியர் கோகுல் தொடங்கி வைத்தார். ஆட்சியர் அலுவலகத்தில் இருந்து தொடங்கிய பேரணி வண்ணார்பேட்டை , முருகன்குறிச்சி வழியாக பாளையங்கோட்டை சென்றடைந்தது. பேரணியின் போது வாக்களிப்பதன் அவசியம் தொடர்பான வாசகங்களை முன்னிறுத்தி முழக்கங்கள் எழுப்பப்பட்டது.
மீண்டும் காற்றழுத்த தாழ்வுப் பகுதி: சென்னை வானிலை ஆய்வு மையம் அறிவிப்பு!
தேசிய வாக்காளர் தினத்தை முன்னிட்டு நடத்தப்பட்ட போட்டிகளில் வெற்றி பெற்ற மாணவ மாணவிகளுக்கு ரொக்க பரிசுகளும் வழங்கப்பட்டன.