தொடர் மழை... அகஸ்தியர் அருவியில் வெள்ளப்பெருக்கு!

வடகிழக்கு பருவமழை ஜனவரி மாதத்திலும் நீடித்து வருவதை அடுத்து நெல்லை மாவட்டத்தின் பிரதான அணைகளான மணிமுத்தாறு பாபநாசம், சேர்வலாறு ஆகிய அணைகளில் நீர்வரத்து அதிகரித்துள்ளது.

பாபநாசம் அணை ஏற்கெனவே நிரம்பிய நிலையில் மீண்டும் மழையால் தண்ணீர் வரத்துஅதிகரித்ததை அடுத்து அணையில் இருந்து சுமார் 2 ஆயிரம் கன அடி உபரி நீர் திறந்துவிடப்பட்டு வருகிறது. இதனால் பாபநாசம் மலைப்பகுதியில் உள்ள அகஸ்தியர் அருவியில் வெள்ளப்பெருக்கு ஏற்பட்டுள்ளது.

இதேபோன்று பாபநாசம் அணையில் 2,000 கன அடி தண்ணீர், மணிமுத்தாறு அணையில் இருந்து 200 கன அடி தண்ணீர் திறந்துவிடப்பட்டுள்ளது.

4 ஆண்டுகளுக்குப் பின் நிரம்பிய மணிமுத்தாறு அணை

இதையடுத்து தாமிரபரணி நதியில் வெள்ளப்பெருக்கு ஏற்பட்டுள்ளது. இதனால் தாழ்வான பகுதிகளில் உள்ள மக்களுக்கு எச்சரிக்கை விடப்பட்டுள்ளது.